CES 2018: Sony, Omron, LG, Samsung lead the best of new innovations

Sony Aibo

Taun-taon, dinarayo at inaabangan ang mga kaganapan sa Consumer Electronic Show (CES) na ginaganap tuwing Enero sa Las Vegas Convention Center kung saan nagsasama-sama ang mga maliliit at malalaking electronic companies para iprisinta ang kani-kanilang bagong linya ng mga produkto.

Pinili ng news.com.au, ang nangungunang news website ng Australia ang tinagurian nitong “the best of the world’s largest consumer tech convention.”

Omron’s Forpheus: Improving the relationship of humans and machines

Binansagang “the coolest” ang Forpheus na imbensyon ng Japanese electronics company na Omron dahil sa magaling na paggamit nito ng robotics, machine learning, sensing control, at artificial intelligence.

Ngayon, pwede ka nang maglaro ng table tennis kasama ni Forpheus, isang AI robot na patunay na ang mga robot at mga tao ay kayang makipagtulungan sa isa’t isa.

Sa pamamagitan ng three-camera system, natutukoy nito ang bola at ang kalaro nito, isang motion controller naman ang nagsasabi sa high-speed robotic arm para tamaan ang bola, at machine learning para analisahin ang skill level ng kalaro nito.

Kaya rin nitong tukuyin ayon sa galaw mo kung gagawa ka ng smash, gayon din ang paggawa ng tunog depende sa kundisyon ng match, at pagbibigay ng encouraging messages gamit ang face recognition.

Sony Aibo: Iconic entertainment robot dog makes a long-awaited return

Taong 1999 nang unang ilunsad ng Japanese electronics company Sony ang first generation ng Aibo (artificial intelligence robot) kung saan 3,000 units nito ay na-sold out sa loob lamang ng 20 minuto online. Tinapos ang produksyon nito noong 2006, ngunit ngayong taon, ay nagbabalik ang robotic puppy na mas marami nang kapasidad kaysa sa unang edisyon nito.

Mas makatotohanan na ito dahil sa OLED eyes (for displaying more nuanced expressions), motion detection, voice control, advanced artificial intelligence (develops own personality), at facial recognition (identifies members of your family, can tell objects from people).

At mas maraming tricks na rin ang kaya nitong gawin – maghanap ng bola o buto, humiga, kumahol, umupo, igalaw ang buntot at ulo, mag-high-five, at rumeresponde sa back scratch at voice commands.

Nakakaintindi rin ito ng English at Japanese ngunit nakatakdang maglabas ng iba pang lengguwahe ang Sony. Nagsimula na rin ang shipping rito sa Japan nitong kalagitnaan ng Enero.

Flexible and extremely high resolution TVs

Sa bungad ng pasukan ng convention center ay namamangha ang mga CES attendees sa isang 92-foot-long immersive concave installation ng LG OLED Grand Canyon, na tampok ang 246 LG Open Frame OLED displays.

Ang LG OLED Grand Canyon ay 65-inch na flexible television screen na may roll-up feature na pwedeng ilagay sa isang maliit na tube, at dahil sa Open Frame OLED display nito ay pwede itong baluktutin para sa mga digital signange applications. Mayroon din itong LG OLED technology na gumagamit ng self-lighting pixels para sa mas magandang kontrol ng picture brightness at quality.

Kabilang ito sa 2018 LG OLED TVs na nagtataglay ng ThinQ artificial intelligence platform ng LG, na mayroon na ring Google Assistant at Amazon Alexa.

‘Di naman nagpapahuli ang Samsung sa kanilang “The Wall,” ang kauna-unahang modular MicroLED 146-inch TV kung saan ang mga microscopic LEDs ay naglalabas ng liwanag kaya’t ‘di na kinakailangan ang backlight.

Retro keyboard Penna brings back the nostalgic feeling of using a typewriter

Penna keyboard

Kapansin-pansin ang sunud-sunod na pagbabalik-eksena ng mga bagay na tinaguriang ‘vintage’ o ‘retro’ na dati’y mga mahahalagang kagamitan bago dumating ang internet at teknolohiya gaya ng kamakailan na paglulunsad ng Nokia 3310 na mas moderno ngunit nananatiling tradisyonal, nariyan din ang muling pagsikat ng vinyl sa musika, film cameras, at wooden radios.

Ngayon, maaari ka nang mag-type sa iyong smartphone o tablet na walang kahirap-hirap at magagawa mo na rin ulit mag-type na gaya sa isang typewriter sa pamamagitan ng wireless bluetooth keyboard na idinisenyo sa isang traditional typewriter na tinatawag na Penna, isang Kickstarter project ng American company na Elretron Inc., na binuo sa loob ng tatlong taon.

Taong 1874 nang ipakilala ang mga commercial typewriters ngunit mid-1880s na nang maging permanenteng kagamitan na ito sa mga opisina, private homes at ng mga professional writers.  

Functionality and style but old-school

May sukat itong 267.4mm upper width (slots for iPad, Galaxy Tab, smartphones), 194.7mm na length, 330.8mm bottom width at may bigat na 800g. May dalawang AA battery ito at may anim na buwang maximum standby time. Limang kulay naman ang mapagpipilian – matte black, pure white, baby pink, olive green, at wood.

At ang keyboard style nito ay may dalawang klase – diamond-shape keycaps (rounded corners for accurate typing, smooth feeling) at retro chrome keycaps (with blue type mechanical switch, like a real vintage typewriter). Gawa ang keycaps ng German company na Cherry GmBH, isang mechanical switch system manufacturer.

Maging ang tunog ng typewriter ay nagagawa ng Penna sa pamamagitan ng Cherry switch na itinuturing na pinaka-advanced switch technology. Gamit ito, may tatlong mechanic switch options ang Penna – Cherry mx red switch (for fast, quick typing, less noise, suitable for office), Cherry mx blue switch (click sound, typewriter-like feeling, for accurate typing) at brown switch (for typing or gaming, office set-up) na pwedeng pagpilian depende sa klase ng ‘clickiness’ na gusto ng gumagamit.

Kung sa dating typewriter, ang macro bar sa kaliwa ay ginagamit para itaas ang papel o para mag-umpisa ng bago, sa Penna ay ginagamit na ito para mag-save ng keys, mga salita, pangungusap na madalas mo na ginagamit sa simpleng one-time press lang. Gamit din ang macro bar may tatlong modes ito – record mode (pull up the bar), wait mode (press down), at transfer mode (press down slightly).

Connectivity, support, multi-media features

Ang koneksyon nito ay gumagamit ng wireless bluetooth 4.2 (for automatic pairing, battery efficiency). Multi-pairing din ito at pwedeng i-connect ang limang devices at gamitin lang FN+F1 – F5 depende sa kung pang-ilan ang connected device. Suportado rin nito ang iba’t ibang operating system – Windows, Android at iOS kaya’t maaaring gamitin ang anumang klase ng smartphones ngayon.

Gaya ng computer keyboards, pwede rin gamitin ang keycaps para i-adjust ang multi-media features gaya ng brightness, volume, at may sleep mode pa.

May ginawa rin ang Elretron na exclusive pouch para sa Penna (sold separately) na may compartments para sa mouse, mobile pad, earphones, smartphone, earphones, at pen na sakto sa mga laging on-the-go para sa eskwelahan, opisina, bahay, airport, at cafe para madali itong dalhin kahit saan.

Available na ang Penna for pre-orders sa Kickstarter.com at may halagang $89 (early-bird backers) at $99 starting regular price. Nakatakda ang shipping nito ngayong Agosto. At dahil baguhan pa ang Elretron, inaaasahan ang mga pagbabagong gagawin nito sa layout at disenyo ng Penna.

Masako Wakamiya: An 82-year-old Japanese ‘ICT evangelist,’ the oldest attendee at Apple’s WWDC

“I didn’t see any apps for the elderly, so I decided to create my own. We easily lose games when playing against young people, since our finger movements can’t match their speed. I wanted to create a fun app to get elderly people interested in smartphones. It took about half a year to develop. Technology has now become my new hobby,” ang masayang pahayag ng 82-taong-gulang na retired banker na si Masako Wakamiya, na ngayon ay isa nang app developer sa panayam ng CNN Money at Fortune sa kanya.

Shattering stereotypes in technology

Madalas natin naririnig ang mga batang advanced ang kaalaman sa teknolohiya, pero pagdating sa mga nakatatandang henerasyon ay ‘di gaano, kaya’t tunay na kahanga-hanga ang mga katulad ni Wakamiya. Patunay ito na ang abilidad na matuto ay walang pinipiling edad kundi nasa  dedikasyon, interes at pagpupursige.

Sa pagsisimula ng Apple Worldwide Developers Conference ngayong buwan, sentro muli ng atensyon ang “technology evangelist” na si Wakamiya, bilang oldest attendee sa conference.

The best part of life is after 60

Unang nakilala ng publiko si Wakamiya, noo’y 79 nang maging tagapagsalita siya sa TEDxTokyo 2014 kung saan niya ibinahagi kung paano siya nagsimulang matutong gumamit ng computer at internet.

“One day, I picked up a magazine and it said, ‘If you have a computer, without stepping outside your house you can chat with people.’ And I thought, ‘Wow, this is it!’ And I immediately – although it was expensive back then – did some impulsive shopping and bought my computer. This one simple shopping changed the second part of my life.”

Aminadong hindi “tech-savvy,” isang “struggle” ang mga sumunod na araw para sa noo’y 60-taong-gulang lalo na’t ‘di pa user-friendly ang mga computers noon.  Subalit, sa kagustuhang maalagaan ang ina habang nagkakaroon pa rin ng komunikasyon sa iba, binuno niya ang tatlong buwan para i-set-up ang computer at makapag-online nang walang tulong ng iba.

Mula rito, sumali siya sa isang “silver club” (online club for over 60s) at natuwa siya sa welcome message ng naturang website – “The best part of life is after 60.”

A wonderful silver life

Dito siya nakakilala ng mga bagong kaibigan at natuto ng maraming bagay gaya ng video editing. Aniya, masaya siyang makipag-usap sa mga ka-edaran niya tungkol sa mga malalalim na paksa.

Inspirado ng stitching hobby ng mga senior citizens at traditional Japanese patterns, nakagawa siya ng Excel art na ginagamit sa computer school classes at maging sa NASA. Bumuo rin siya ng sarili niyang PC textbooks dahil napansin niyang ang mga computer study books ay masyadong boring.

Natuto siya ng Apple Swift programming language sa tulong ng isang kabataan sa pamamagitan ng Skype at Messenger. Kaya’t sa edad na 81 ay nailunsad na niya ang kanyang unang iOS game app, ang Hinadan na base sa traditional Hinamatsuri festival. Ngayon, regular siyang nagbibigay ng computer classes at blogs, at marami na siyang naiisip na ideya para sa apps.

“I have a request for the young folks out there. After you leave, please tell my story to your parents and grandparents,” ang huling mensahe ni Wakamiya sa mga tagapakinig sa TEDxTokyo. 

World Robot Summit gaganapin sa Japan sa 2020

Ni Florenda Corpuz

Para lubusang mapakinabangan ng lipunan ang kapasidad ng mga robot ay isang international robot competition ang isasagawa sa bansa sa taong 2020.

Ito ang inanunsyo ng Ministry of Economy, Trade and Industry (METI) kamakailan kung saan pangungunahan ng ahensya ang pagsasagawa ng iba’t ibang programa tulad ng exhibit at labanan ng mga humanoid at industrial robots.

Ayon sa METI, ilan sa mga malilikhang oportunidad ng World Robot Summit ay ang “accelerating R&D of robots and implementation of R&D achievements in society; bringing together worldwide attention-grabbing highly-advanced robotics technologies from inside and outside of Japan and striving to develop such technologies as much as possible; at deepening public understanding of robots by practically overcoming challenges at sites, stimulating proactive discussion on the utilization of robots, and developing concrete methods.”

Hindi pa tiyak ang eksaktong petsa at lugar na pagdarausan ng kumpetisyon ngunit umaasa ang METI na dadagsa ang mga high-tech robot mula sa iba’t ibang panig ng mundo sa kaganapan.

Naglabas na rin ng anunsyo ang ahensya para sa mga munisipalidad sa buong bansa na nais mag-apply bilang host site.

Ang Japan ay kilala sa buong mundo dahil sa high-tech at mayamang robot industry. Sa katunayan, ito ay nangungunang bansa pagdating sa dami ng bilang ng domestically-operating industrial robots. Ngunit ito ay sinusubok ng patuloy na pagtanda ng populasyon ng bansa, pagtaas ng kakulangan sa trabaho at pati na rin social security costs. Dahil dito ay naisip buuin ang “New Robot Strategy” kung saan kabilang ang pagsasagawa ng isang international robot competition.

Blogging tips for newbies

Mapapansin natin na marami na ang nagbago sa pagdaan ng panahon kung teknolohiya ang pag-uusapan – kung dati’y makinilya ang gamit, ngayon ay computer na o kaya kung dati’y nagpapadala ng sulat sa mga kartero, ngayon ay sa pamamagitan na ng e-mail, at kung dati’y telepono lamang ang paraan ng pakikipagkomunikasyon, ngayon ay may mobile phones na may iba’t ibang applications.

Isa rin patok na patok na ngayon ay ang pagba-blog na isang makabagong bersyon ng pagsusulat sa diary.  Sa pamamagitan ng blog na maaaring makita sa pamamagitan ng Internet, naipapahayag ng isang blogger ang kanyang mga kaalaman at opinyon sa maraming bagay na maaaring mabasa ng netizens.

Marami na ngayon ang kilalang bloggers sa larangan ng pulitika, fashion, entertainment, teknolohiya, negosyo, pagluluto, relihiyon, at iba pa. Bukod sa nagagawa nila ang kanilang hilig sa pagsusulat tungkol sa mga pinagkakainteresang mga bagay, naibabahagi rin nila ito sa maraming mambabasa at maaari rin silang kumita rito batay sa popularidad ng kanilang blog.

Kung nagbabalak na gumawa ng blog ay narito ang ilang tips na dapat ikunsidera:

Nilalaman ng blog. Isa sa pinakakritikal sa paggawa ng blog ay ang pag-iisip at pagdedesisyon kung ano ang nilalaman nito. Maganda na isulat sa iyong blog ang mga bagay na mayroong kang sapat na kaalaman at kinahihiligan mo dahil sa pamamagitan nito ay mararamdaman ng mga mambabasa na gusto mo ang ginagawa mo. Ito ba’y tungkol sa mga bagong gadgets? Sa mga artista? Sa mga pagkaing iyong niluluto? Sa mga nagaganap sa iyong kapaligiran? Musika? Gawing kakaiba at makabuluhan ang bawat isusulat dahil nais ng iyong mambabasa na matuto at malibang.

Layout ng blog. Mas babasahin ang iyong blog kung kanais-nais ang layout nito, “reader-friendly” kumbaga. Siguraduhin na maganda ang disenyo ng iyong blog; iyong paraan na unang kita pa lamang sa iyong isinulat ay maeenganyo na silang basahin ito kaysa tamarin. Marami ng themes na maaaring pagpilian kapag gagawa ng blog sa Wordpress, Blogger o Tumblr. Subalit, kung mayroon ka namang sapat na pera o mga kaibigan na may kaalaman sa pagdidisenyo ng website ay huwag magdalawang-isip na magbayad o humingi ng tulong.

Paglalaan ng oras. Matrabaho rin ang pagba-blog. Upang hindi mawalan ng mambabasa ay dapat na mag-post ka ng isang entry sa iyong blog ng regular. Dapat ay kada araw o dalawa ay mayroong bagong nababasa sa iyong blog at hindi iyong kung kailan mo lang gusto magsulat at mag-post. Dapat ay laging may aabangan ang iyong mga mambabasa upang makagawian nila ang pagpunta sa iyong blog.

Litrato. Mas magiging kawili-wili ang iyong blog posts kung may kasama itong magagandang litrato. Mas tatangkilikin ang iyong blog kung maganda at makabuluhan na ang nilalaman ng iyong post ay mayroon pa itong kasamang litrato.

Mga komento. Gawing madali para sa iyong mga mambabasa na makapaglagay ng komento sa iyong isinulat. Ugaliin na sagutin ang kanilang mga komento sa maayos na paraan at kung maaari ay makipagkaibigan sa kanila sa pamamagitan din ng pagbisita sa kanilang blog kung mayroon man.