Brighten up your festive food this holiday season with Creamy Tomato Garlic Chicken

Carnation photo

Palapit nang palapit na naman ang panahon ng Kapaskuhan ngunit ngayon pa lamang ay mabuti nang pag-isipan at paghandaan nang maaga ang mga balak gawin sa muli na namang pagsasama-sama ng pamilya sa Noche Buena para sa pagdiriwang ng Pasko.

At dahil napakahilig ng mga Pinoy sa mga salo-salo at masasayang kwentuhan sa hapag-kainan, siguradong hindi mawawala ang presensiya ng kahit anumang lutuin na manok – mapa-lechon, adobo, tinola, sinampalukan, pininyahan na may gata, sopas, barbecue, curry, kaldereta, asado, salpicao, inasal, binacol, afritada, chicken ala king, chicken pastel, cordon bleu, lemon chicken, at siyempre fried chicken.

Hearty and tasty, rich and creamy

Itinuturing na isa sa paboritong pagkain ang manok ng mga Pinoy anumang klase ng okasyon. Maliban sa mga popular nang lutuing manok na madalas nakikita sa mga handaang Pinoy, hindi ba’t nakapupukaw ng pansin at nakagagawa ng memorableng karanasan ang makatikim ng panibagong putahe?

At dahil diyan, narito ang exciting recipe (good for 6) na Creamy Tomato Garlic Chicken na mula sa Carnation para maging next level ang sarap ng lutuing manok bilang main dish.

Ihanda ang tatlong piraso ng chicken drumsticks, tatlong piraso ng chicken thighs, garlic powder, 1 tbsp garlic (chopped finely), 1/2 cup white onions (chopped finely), 1 can crushed tomatoes (with juice), 2 tbsp tomato paste, 1/2 can Carnation Evap, 1 pc chicken broth cube, salt (as needed), black pepper (as needed), 1/4 cup olive oil, fresh basil (as needed), at fresh parsley (as needed).

Pagkatapos ay ibabad na ang mga piraso ng manok sa garlic powder, asin, at paminta sa loob ng 30 minuto bago ito lutuin at saka takpan ng plastic wrap.

Sa isang kawali, mag-init ng olive oil at saka pasuin ang mga piraso ng manok sa bawat gilid nito para makuha ang brown crust at masipsip nito nang mabuti ang juices saka tanggalin sa kalan at itabi muna pagkatapos.

Smooth buttery texture with delicious garlic flavors

Sundan ito ng paggisa ng puting sibuyas at saka dagdagan ng bawang at sauce hanggang maging light brown ang kulay. Ihalo naman dito ang tomato paste at sauce (until slightly brown) at isunod ang crushed tomatoes at hayaang kumulo ng ilang minuto.

Ilagay na rin ang chicken broth cube at pakuluin muli ng lima pang minuto, isunod ang evaporated milk, at huling isama ang mga piraso ng manok at hayaang maluto ito nang mabuti saka budburan ng asin at paminta.

At siyempre ‘wag kakalimutan ang fresh basil at parsley bilang garnish para maganda ang presentasyon nito sa inyong hapag-kainan.

Mainam na ihain ito na may kanin, green salad, pasta o kahit anong gulay. Maaari rin gumamit ng kahit anong klase ng kamatis sa halip na canned tomatoes gaya ng cherry at roma tomatoes at kailangan lang hiwain nang mas maliliit para magawa ang butter-like texture nito.

Pwede rin na alternatibo ang chicken breasts basta lutuin lang ito sa mas mababang apoy, gayon din ang marinara sauce sa halip na tomato sauce.

Mediterranean diet, susi sa higit na mas mababang tsansa ng Alzheimer’s disease

Healthline photo

“We found that by following a Mediterranean diet for just three years reduced the buildup of Aβ by up to 60 percent. This tells us that eating a Mediterranean diet could potentially delay the onset of symptoms of Alzheimer’s disease by years.”

Ito ang tinuran ni lead researcher Dr. Stephanie Rainey-Smith ng Edith Cowan University sa isang opisyal na pahayag kamakailan tungkol sa resulta ng bagong Australian research na inilathala sa Translational Psychiatry medical journal. 

Ang tinutukoy na Aβ ay mga amino acid-related amyloid beta peptides (brain protein) na nakikitang naiipon sa mga utak ng mga pasyente, na siyang nagdudulot ng Alzheimer’s, isang neurodegenerative disease na nasa likod ng karamihang mga kaso ng dementia.

The Mediterranean diet’s versatile, simple, and fun philosophy

Bago pa ang naturang pag-aaral, karaniwan nang kaalaman na ang tradisyonal na Mediterranean diet ay mainam sa paglaban sa heart attack at nakakapagpababa sa diabetes risk, ito ay dahil sa healthy unsaturated fats ng diet mula sa red wine, seafood, at olive oil.

Ito rin ay “good for the gut” dahil sa antioxidants mula sa healthy fats kung saan hindi lang kalusugan ng puso ang natutulungan nito kundi pati gastrointestinal issues gaya ng inflammatory bowel at ulcerative colitis.

At ‘di kagaya ng ibang mga diets, reasonable at pinaka-least restrictive ang Mediterranean. Hindi na kailangan pang mag-calorie counting o magtanggal ng ilang food groups. Kailangan lang tandaan  na binubuo ito ng “sensible, unprocessed, simply prepared but delicious food.”

High fruit intake provides the greatest benefit

Kadalasang binubuo ang Mediterranean diet ng gulay, prutas, isda (rich in heart-healthy fats: salmon, tuna, sardines), itlog, olive oil, seafood, whole grains, beans and legumes, nuts and seeds, poultry (chicken, turkey), herbs and spices, at soy (non-processed forms such as tofu and edamame).

Pagdating naman sa dairy, red meat, alcohol, at natural sweeteners ay dapat “in moderation” lamang ang pagkain ng mga ito. Higit naman na kailangang iwasan o limitahan ang mga refined oils (sunflower, peanut, corn, rapeseed, canola, at vegetable oils), processed foods (sausages, deli meat, store-bought cookies, chips, pre-made meals), at added/artificial sugars (sweets, sodas).

“While all of the aspects of the Mediterranean diet appear to be important for reducing Alzheimer's risk, in our study, fruit intake provided the greatest benefit. Fruit consumption is the most strongly related to a reduced buildup of the peptides,” ang dagdag pa ni Rainey-Smith.

Aniya, kahit dalawang piraso lamang ng prutas bawat araw ay malaki na ang maitutulong para labanan ang pagdami ng beta-amyloid. Ilan lamang sa inirerekomenda ang mga citrus fruits gaya ng orange, grapefruit, mandarin, at berries.

Sa kabila nito, hinihikayat ni Rainey-Smith na huwag lang high fruit intake ang pagtuunan ng pansin at  mas maigi pa rin na sundin ang buong Mediterranean diet para sa mas mawalak na benepisyo nito sa kalusugan.

Kaugnay nito, nadiskubre din ng mga Duke University researchers ang optical coherence tomography angiography (OCTA), isang eye scan imaging process (non-invasive diagnosis) para matukoy ang Alzheimer’s nang maaga, at kung saan natagpuan nila na ang mga pasyente ay nagkaroon ng “thinner inner layer of retina” at “loss of small retinal blood vessels.”

Low-carb diets under scrutiny in new study for connection to increased mortality risk

“Low-carb diets that replace carbohydrates with protein or fat are gaining widespread popularity as a health and weight loss strategy. However, our data suggests that animal-based low carbohydrate diets might be associated with shorter overall lifespan and should be discouraged.”

Ito ang pahayag ni Sara Seidelmann, Brigham and Women’s Hospital clinical-research fellow at lead author ng bagong pag-aaral, ang “Dietary carboyhydrate intake and mortality: A prospective cohort study and meta-analysis” na inilathala kamakailan sa The Lancet Public Health kung saan natuklasan ng mga siyentipiko na ang pangkalahatang pag-iwas sa carbohydrates ay hindi nakabubuti sa kalusugan sa katagalan.

Challenging a popular trend

Sikat na sikat sa karamihan sa Europe at North America ang mga low-carb diets gaya ng Paleo, Ketogenic, at Atkins diet na aniya ay mas epektibo sa pagbabawas ng timbang kumpara sa mga low-fat diets; at nakatutulong sa magandang kundisyon ng blood sugar, blood pressure, blood triglycerides, at high-density lipoprotein cholesterol na nakapagpapababa ng pagkakaroon ng ilang klase ng mga sakit.

Kadalasan kasi sa low-carb diets, mas pinapaboran nito ang pagkain ng animal protein at fats at higit na nililimitahan o tinatanggal talaga ang carbohydrate sa pagkain gaya ng prutas, gulay, cakes, sugary drinks, at lalo na ang starchy foods na pasta, cereals, rice, bread, at potatoes. 

Sa pag-aaral, siniyasat ang 15,428 adults (45–64 years-old) mula sa apat na komunidad sa Amerika (enrolled between 1987 – 1989) sa Atherosclerosis Risk in Communities (ARIC) study ayon sa kanilang dietary habits (what foods, how much, how often).

At sa loob ng 25-taong follow-up period, nadiskubre na mahigit 6,000 sa mga partisipantes ang pumanaw. Napag-alaman na ang mga may high-carb diets sa kanila ay mas mahaba pa ang buhay nang tatlong taon kaysa sa mga may low-carb diets. At ang mga may moderate carb consumption naman ay dinaig ang mga may low-carb diets nang apat na taon.

Replacing meat with plant-based fats and proteins

“If one chooses to follow a low carbohydrate diet, then exchanging carbohydrates for more plant-based fats (avocados, nuts) and proteins (soy products, lentils), it might actually promote healthy ageing in the long term,” ang paliwanag pa ni Dr. Seidelmann.

Aniya, ang mas mababa sa 40 porsyento (energy intake from carbohydrates) ay itinuturing nang low-carb, dagdag pa riyan na may mga diets na mas binababaan pa ito nang hanggang 20 porsyento o mas mababa pa. Sa kabilang banda naman, ang 70 porsyento at higit pa ay high-carb na.

Parehas na pwedeng makapagpataas ng mortality risk ngunit ang high-carb ay higit na mas mababa ang antas kumpara sa low-carb. 

Mula rito, tinukoy ng mga siyentipiko na ang 50-55 porsyento (moderate) ng energy intake na mula sa carbohydrates ang pinakamainam na estado.

Inamin naman ng mga siyentipiko na may limitasyon pa rin ang pag-aaral sapagkat nagbase ito sa self-reported data at sa pagsukat nito sa naturang dietary patterns sa umpisa at pagkaraan ng anim na taon lang na posibleng nagbago sa mga sumunod na taon.

Naniniwala naman si Ian Johnson (nutrition researcher, Quadram Institute Bioscience), bagaman hindi siya kabilang sa pag-aaral, na mahalaga ang “carb quality” at hindi lang “carb quantity.” 

“There is nothing to be gained from long-term adherence to low-carb diets rich in fats and proteins from animal origins. Most should come from plant foods rich in dietary fiber and intact grains rather than from sugary beverages or manufactured foods high in added sugar.”

Lancaster University: Fibers from root vegetables being studied as key alternative ingredient for stronger concrete

“These novel cement nanocomposites are made by combining ordinary Portland cement with nano platelets extracted from waste root vegetables taken from the food industry.”

Ito ang pahayag ni Professor Mohamed Saafi, lead researcher mula sa engineering department ng Lancaster University sa United Kingdom tungkol sa pinangungunahan nitong pag-aaral kasama ang Scottish firm na CelluComp sa paggamit ng “nano-platelets” mula sa mga root vegetable fibers para makagawa ng mas matibay at mas environment-friendly na concrete mixtures.

Ayon pa sa panimulang resulta ng pag-aaral, natukoy ang magandang pagbabago sa mechanical properties ng mga kunkretong gawa na may nanoplatelets na galing sa mga gulay na sugar beet at carrots.

Stronger concrete, lesser quantity use

“The composites are not only superior to current cement products in terms of mechanical and microstructure properties, but also use smaller amounts of cement. This significantly reduces both the energy consumption and CO2 emissions associated with cement manufacturing.”

Dagdag pa ni Saafi, nakatulong ang root vegetables nano-platelets sa pagtaas ng calcium silicate hydrate, na pangunahing sangkap na kumokontrol sa tibay ng kunkreto at para mapigilan ang corrosion.

Naniniwala ang grupo ni Saafi na kapag mas pinagtibay ang kunkreto ay mas kakaunting bilang nito ang kakailanganin sa mga konstruksyon.

Sa naturang lab tests kung saan hinaluan ng root vegetable nano-platelets ang concrete mixture, nakatipid ng 40 kg ng Portland cement (per cubic meter of concrete) kaya nakakabawas din sa carbon emissions.

Itinuturing na “carbon intensive” ang produksyon ng semento na isa sa pangunahing sangkap sa paggawa ng kunkreto, at nagtatala rin ng walong porsyento ng pangkalahatang carbon emissions na inaasahang lalaki pa dahil sa tumataas na pangangailangan sa industriya ng konstruksyon.

Exceeding commercial cement additives at a less cost

Aniya, ang vegetable-based composite concretes ay mayroon din “denser microstructure” na nagpapatagal sa naturang materyal na higit na mas matibay kaysa gumamit ng mas mahal na sangkap gaya ng grapheme at carbon nanotubes.

Tinitingnan din ng proyekto ang “adding very thin sheets made from vegetable nano-platelets to existing concrete structures to reinforce their strength” na pinapaniwalaang makakahigit pa sa carbon fibre dahil sa flexible characteristics nito na magiging depensa sa mga potensiyal na mapanirang pwersa.

“We are excited to be continuing our collaboration with Professor Saafi and developing new applications for our materials, where we can bring environmental and performance benefits,” ang tugon naman ni Dr. Eric Whale from Cellucomp Ltd., ang kumpanyang nasa likod ng Curran, isang materyal na binuo sa nano-cellulose fibers ng root vegetables kung saan pangunahin dito ang sugar beet pulp.

Nagagamit naman ang Curran sa iba’t ibang aplikasyon gaya ng paints/coatings, inks, paper, drilling fluids, concrete, composites, personal care, at home care.

Mula sa magandang resulta, sinusuportahan ito ng European Union’s Horizon 2020 program sa pamamagitan ng pondo na nagkakahalaga ng £195,000 para mapag-ibayo pa ang pagsasaliksik sa loob ng dalawang taon kung paano nga ba nakatutulong ang vegetable nano-platelet fibers sa pagpapatibay ng mga kunkreto.

Nuro: A self-driving vehicle to deliver the future of local commerce autonomously

“To accelerate the benefits of robotis for everyday life. We believe that great technology should benefit everyone. The team at Nuro is accelerating a future where robots make life easier and help us connect to the people and things we love. Together, we’re pushing the boundaries of robotics to improve human life.

Ito ang misyon ng Nuro, isang start-up technology company sa Silicon Valley na itinayo noong 2016 ng dalawang dating principal engineers – sina Dave Ferguson at Jiajun Zhung ng Google sa self-driving car project nito na ngayon ay tinatawag ng Waymo.

Binubuo ang maliit pa lamang na team nito ng mga eksperto sa robotics, consumer electronics, autonomous vehicles, at automotive industries na may mga karanasan mula sa malalaking kumpanya na GM, Uber, Apple, Waymo, Google, at Tesla. Hinirang din ang mga imbensyon at proyekto ng ilang mga miyembro nito sa mga kumpetisyon gaya ng DARPA Robotics Challenge, ImageNet, at DARPA Urban Challenge.

The self-driving vehicle made for local goods transportation

Maaari itong ilarawan na isang autonomous delivery boy o kaya ay isang mobile grocery cart ayon sa Design Boom. Hindi rin ito ginawang gaya ng hugis ng mga sasakyan at maliban dito, wala rin na makikitang kahit anong manual controls, gears, pedal at steering wheels sa loob nito.

Makikita naman sa bubungan nito ang sensor area kung saan nakalagay dito ang cameras, radars, at Light Detection and Ranging (LIDAR) para masigurado na ligtas ito habang umaandar sa labas. Nag-deploy din ang kumpanya ng anim na self-driving cars para makakalap ng data at mag-optimize ng ruta na ipinapadala sa prototype Nuro.

At dahil fully-autonomous ito (no driver, no passenger), mas maingat at alerto ang naturang self-driving vehicle sa mga nakapaligid dito – mga taong naglalakad o kaya ay nagbibisikleta, para mapanitiling ligtas ang mga taong maaaring makasalubong o makasalamuha. Sa tulong din ng kanyang narrow design sakali man na may taong biglaang tumawid, ‘di ka mababangga ng Nuro kaya’t nakatutulong din ang konsepto nito sa pag-iwas sa mga aksidente sa trapiko. 

Affordable convenience and electric efficient

“On-road vehicle designed to transport goods — quickly, safely, and affordably. It delivers life’s needs at a price anyone can afford. With a flexible interior design, our vehicle handles errands of all kinds — from dinner to dry cleaning.”

Dagdag pa ng Design Boom, nakatuon ang Nuro sa “low-speed, local at last mile deliveries (when the product hits your nearest depot and needs a little help getting to your door).”

Ayon naman sa pag-aaral ng McKinsey, ang industriya ng last-mile deliveries ay patuloy na lumalaki, at nagkakahalaga nang may $86 bilyon. Patunay nito ang patuloy na pagbuo ng Amazon ng kanilang drone delivery concepts, gayon din ang AV cruise ng GM, e-palette concept ng Toyota na ipinakilala sa Consumer Electronic Show (CES)  nitong nakaraang buwan, at mga proyekto ng Ford at Tesla.

Kaugnay nito, layon din ng kumpanya na matugunan ang pangangailangan ng mga lokal na negosyo para makasabay sa lumalagong teknolohiya ng pagdadala ng mga produkto sa sektor ng commercial delivery.

Nitong Disyembre ay idinaos ng kumpanya ang Nuro Proving Grounds para maipakita kung paano tumakbo ang Nuro, ngunit nakatakda na rin na simulan ang public road testing sa huling bahagi ng taong ito.  

Nakalikom ang kumpanya ng $92 milyon mula sa fundraising at kasalukuyang nakikipag-diskurso sa mga retailers at delivery providers para sa posibleng kolaborasyon.

Amazon Spheres in Seattle: A botanical immersion in an urban landscape

“Our goal with the spheres is to create a unique gathering place where employees could collaborate and innovate together, and where the Seattle community could gather to experience biodiversity in the center of the city. I am very proud and thankful to the entire team who made the spheres a reality – they did a terrific job from the design all the way to the finishing touches. We are thrilled to officially open the doors,” ang pahayag ni Amazon vice president of global real estate and facilities John Schoettler sa panayam ng Design Boom.

Habang pinagmamasdan ito mula sa labas ay kamangha-mangha na agad ang forward-thinking vision ng American global architecture, planning and design firm na NBBJ sa launching event kamakailan ng tinatawag na Amazon Spheres sa Seattle, isang office space project na bagong headquarters ng Amazon.

Realistic abstract: A mini-rainforest in the city  

Pitong taon din ang ginugol bago matapos ang naturang proyekto na tinatayang nagkakahalaga ng $4 bilyon, at hango sa resulta ng mga pag-aaral ng Amazon patungkol sa layunin nito ng “improvement of office spaces by linking them to nature.”

Mayroon itong tatlong biosphere domes na binansagang “the spheres” na steel-framed at glass-enclosed, at ang pinakamalaki rito na nasa gitna ay may taas na 90 feet at lapad na 130 feet in diameter.

Kabilang naman sa main features nito ang four-story living wall kung saan makikita ang 25,000 na halaman na nakalagay sa isang 4,000 square feet na mesh panels, paludariums (type of vivarium incorporating both terrestrial and aquatic elements), at epiphytic trees (plants that grow on other plants or other objects, abundant in moist tropical forest such as mosses, ferns, cacti, orchids, and bromeliads).

Sa tatlong biospheres ay makikita rin ang mga tree house meeting rooms na nakatayo sa mga matatayog na puno, mga ilog at talon na may katabing mga stone paths kung saan masarap maglakad-lakad na dinidekorasyunan ng tinatayang 400 plant species. Dagdag pa ng Bloomberg News, sa kabuuan ay makikita rito ang mahigit sa 40,000 na mga halaman na mula sa iba’t ibang panig ng mundo.

An escape from the everyday office life

Dahil sa ‘di maiiwasang stress na dala ng pang-araw-araw na trabaho, ang Amazon Spheres ay magiging tropical-like environmental sanctuary ng mga empleyado ng Amazon, na kahit nasa gitna ng meeting ay nakakapag-relax din sila sa parehas na pagkakataon.

Maging ang klima sa loob ng mini-rainforest ay kontrolado at ‘di pabagu-bago na nasa 72 degrees at 60 porsyentong humidity, gayon din ang isang ventilation system na gumagawa ng simoy ng hangin ng parang ikaw ay nasa labas.

“The Spheres are a consequence of a lot of deep thought, and we wanted to create some very special – a unique environment for employees to come and collaborate and innovate. One thing that is missing between today’s workspace is a link to nature, and that’s what we’re doing here,” ang paliwanag ni Schoettler sa Amazon News YouTube page ng kumpanya.

Maliban sa ecological benefits nito, nakatulong din ang proyekto sa pagbibigay ng 600 na trabaho. Bukas din ang Amazon Spheres sa publiko na gustong pumunta rito, at dahil dito ay nagbibigay din ito ng oportunidad na pang-edukasyon sa komunidad ng Seattle sa pamamagitan ng field trips at tours na may kolaborasyon sa mga eskwelahan, unibersidad at mga institusyon.

Budji + Royal Architecture + Design pangungunahan ang disenyo ng New Clark City

Nito lamang huling bahagi ng Disyembre ay ginanap ang groundbreaking rites ng isinasagawang bagong Clark International Airport (CRK) Terminal, na siyang una sa hybrid infrastructure projects sa ilalim ng “Build, Build, Build” program ng administrasyong Duterte.

At kabilang sa proyektong ito ang designing tandem ng Budji + Royal Architecture + Design, na kinomisyon ng Bases Conversion Development Authority (BCDA) sa pagdidisenyo ng naturang terminal na bahagi ng New Clark City (NCC), ang binubuo na magiging kauna-unahang “smart, green, disaster-resilient city” ng bansa.

Mapupuntahan ang New Clark City sa pamamagitan ng expressway at ang Philippine National Railways (PNR) North na itatayo ng Japan.

Makikipagtulungan ang Budji + Royal sa Aecom, isang American engineering firm at urban planner. Maliban sa bagong Clark terminal, pangungunahan din ng designing duo ang disenyo ng Philippine Sports City Complex.

Asia’s next premier gateway

Ang terminal ay may floor area na 140,000 square meters, na kasing-laki ng Hong Kong International Airport Terminal 2. May kapasidad itong makatanggap ng dagdag na walong milyong pasahero bawat taon at higit na makatutulong sa pagbabawas ng siksikan sa Kamaynilaan.

Sa panayam ng Inquirer kina designer Antonio “Budji” Layug at architect Royal Pineda, nagpahayag ang dalawa ng pagkagalak sa pagiging bahagi ng New Clark City project.

“We were tapped by the government to make sure that the soul of the Philippines will be present,” ang paglalahad ni Layug. Dagdag naman ni Pineda, “From the beginning, we wanted to present our roles as architect and designer without being part of politics. We can influence the country by design.”

Nagsimula ang partisipasyon ng Budji + Layug sa infrastructure program ng gobyerno nang iprinisinta nila ang kanilang disenyo ng “Luzviminda” bridge sa World Design Capital sa Taipei nitong nagdaang taon.

Inspirasyon ng disenyo na pag-ugnayin ang mga isla ng Pilipinas para maisulong ang inter-island tourism para sa mas malawakang pang-ekonomiyang pag-unlad.

Nakatakda itong matapos sa loob ng dalawang taong construction period.

World-class green community that pays homage to Pampanga’s parol

Saklaw ng NCC ang may 9,450 ektarya at ang Philippine Sports City ang magiging sentro nito na bubuuin naman ng aquatic center (2,000 capacity), athlete’s village, at main stadium (20,000 capacity) na mayroong 200 ektarya (first phase). Magkakaroon din dito ng mga gusaling pang-komersyo at retail sa kanlurang bahagi nito, at isang river corridor.

Binibigyang-pugay din ng Budji + Layug ang parol ng mga taga-Pampanga at ang Mt. Pinatubo na makikita sa disenyo ng stadium at ng kabuuang sports complex.

Mula sa inspirasyon ng Mt. Pinatubo, gawa sa lahar ang mga pader ng stadium, ang bubong nito ay parang bunganga ng bulkan, at kulay-ginto na hugis letrang V ang steel frames nito na gaya ng balangkas ng parol. Hango naman sa Capiz parol ang bubungan ng Aquatic Center na may malaking open shed. At sa gabi ay parehas na magliliwanag ang Aquatic Center at stadium. 

Layong matapos ito sa Agosto nang susunod na taon para magamit sa Southeast Asian Games (SEA) Games.

Signature recommends: The best books this January

Naumpisahan mo na ba ang reading challenge mo ngayong taon? Kung isa ka sa mga nakikibahagi sa taun-taong reading challenge ng Goodreads o kaya naman ay naghahanap ng mga bagong librong babasahin ngayong 2018, swak ang listahan ng Signature, isang literary website na binuo ng American multinational publishing na Penguin Random House, para sa mahilig sa historical fiction, contemporary romance, coming-of-age, essays, mystery, science fiction, psychological fiction, at biography. 

Stirring debuts  

Sa 14 na napili ng Signature, tatlo rito ang debut novels na mula kina Sam Graham-Felsen (Green), Sharon Bala (The Boat People), at Thomas Pierce (The Afterlives). Magkakaibang genre, magkakaibang kwento at karakter ngunit pare-parehong tumatalakay sa mga nakamamanghang pagharap at pagsubok na hindi nalalayo sa tunay na buhay. 

Isang coming-of-age ang kwento ng “Green” noong 1992 sa Boston na tungkol sa teenager na si David Greenfeld, isa sa nabibilang na white kids sa Martin Luther King, Jr., Middle School na makakahanap ng hindi inaasahang kaibigan sa katauhan ni Marlon Wellings, nang ipagtanggol siya nito sa ibang mga estudyante sa cafeteria. 

Base naman sa mga totoong kaganapan noong 2010 ang paksa ng “The Boat People” na sinusundan ang mag-amang sina Mahindan at anim na taong-gulang na lalaking anak na si Sellian, na kabilang sa grupo ng tinatayang 500 refugees mula sa Sri Lanka patungo sa paghahanap nila ng ligtas at bagong tirahan sa kanilang pagdating sa Vancouver. 

Sa “The Afterlives,” isang lalake sa kanyang 30s na si Jim Byrd ang inatake sa puso at namatay ngunit sa loob lamang ng ilang minuto ay nabuhay siyang muli. Walang naaalala si Jim sa kabilang buhay ngunit isang multo ang magpapakita sa kanya at sa kanyang asawa, na magbubukas sa mga misteryosong kaganapan. 

Contemporary romance from bestselling authors 

Ang mga tagahanga ng 1995 novel na “High Fidelity” ni Nick Hornby ay siguradong makakahanap ng panibagong mamahalin sa “The Music Shop,” ang pinakabagong nobela ni Rachel Joyce, ang bestselling author ng “The Unlikely Pilgrimage of Harold Fry” at “The Love Song of Miss Queenie Hennessy.” 

Nakatakda sa 1988 ang kwento ng pagtatagpo ng music shop owner na si Frank, na magaling sa pag-uugnay ng mga customers nito sa musika ngunit hindi sa pakikipag-ugnayang personal sa mga tao, at ng isang misteryosong babaeng lalapit sa kanya, si Ilse, na hihiling na turuan siya sa musika. 

Nagbabalik naman si Louisa Clark, ang iconic heroine ng “Me Before You” at “After You” ni New York Times bestselling author Jojo Moyes sa pinakabago nitong nobela, ang “Still Me” na nakatakdang lumabas sa Enero 30. 

Sa pagkakataong ito, mahahanap ni Lou ang kanyang sarili sa New York habang pinapanatili ang relasyon niya kay Sam kahit malayo ito. At sa pamamagitan ng kanyang trabaho ay mararanasan niya ang high society kung saan niya makikilala si Joshua Ryan. 

A family saga and a sisters’ bond 

Sa New York 1969 ng “The Immortalists” ni Chloe Benjamin, makikilala ang apat na magkakapatid – Simon, Klara, Varya at Daniel at ang kanilang pakikipagsapalaran pagkatapos nilang marinig ang propesiya tungkol sa susunod na limang dekada ng kanilang mga buhay mula sa isang traveling psychic – isang kaalaman na may malaking kapalit. 

Sinusundan naman ng “Everything Here is Beautiful” ni Mira Lee, ang relasyon ng dalawang magkapatid na babae – ang responsableng ate na si Miranda at ang nakababatang mayroong sakit sa pag-iisip na si Lucia. Mahaharap sa isang malaking kaganapan si Lucia at darating si Miranda para iligtas siya ngunit hindi ito ang gusto ni Lucia.  

Kabilang din dito ang biographies na  na lalabas ngayong Enero 30 ang “The Monk of Mokha” ni Dave Eggers tungkol sa paglalakbay ng isang Yemeni-American sa Yemen para buhayin muli ang kultura ng Yemeni coffee hanggang sa maipit siya rito ng civil war, “Jefferson’s Daughters” ni Catherine Kerrison tungkol sa tatlong anak ng ikatlong presidente ng Amerika na si Thomas Jefferson, at “Winter” ni Karl Ove Knausgaard na second volume ng seasonal autobiographical quartet na koleksyon ng letters at meditations. 

Gayon din ang psychological thriller tungkol sa isang ina, kanyang anak at kasintahan nito sa “The Girlfriend” ni Michelle Frances), ang 1910 Russia historical fiction na “The Winter Station” ni Jody Shields, ang best science fiction book 2017 ng The Guardian na “Gnomon” ni Nick Harkaway; at ang literary essay collection na “Late Essays” ni J. M. Coetzee. 

Paninigarilyo nagpapataas ng lower back pain risk na pwedeng mauwi sa spinal surgery

“Smoking appears to be a risk factor for developing lower spine risk space narrowing than can lead to surgical treatment. Quitting smoking can reduce the risk,” ang paliwanag ni senior study author Dr. Arkan Sayed-Noor, na isa rin researcher ng Umea University.

Kaugnay ito ng lumabas na resulta ng Swedish study na pinangunahan ni Sayed-Noor, na napag-alamang ang paninigarilyo ay may malaking kontribusyon sa mas mataas na lower back pain risk, na kalaunan ay kinakailangang ayusin sa pamamagitan ng spinal surgery.

Pinag-aralan ng mga siyentipiko ang may datos mula sa 331,941 construction workers na bahagi ng occupational health registry sa buong Sweden. Inobserbahan ang mga study participants sa loob ng mahigit 30 taon. May 44 porsyento rito ang non-smokers, 16 porsyentong ex-smokers, 26 porsyentong moderate smokers, at 14 porsyentong heavy smokers.

Mula rito, natukoy na ang 1,623 sa mga ito ay dumaan sa operasyon para sa lumbar spinal stenosis.

Common cause of lower back pain

Inilarawan ang lumbar spinal stenosis bilang pagsisikip ng spinal canal at dahil dito ay nagdudulot ito ng pressure sa spinal cord at nerves. Dagdag pa ng mga mananaliksik, ang nicotine na siyang nagdudulot ng pamamaga at konstriksyon sa pagdaloy ng dugo ay lalo pang nagpapalala sa pagkakaroon ng lumbar spinal stenosis, na karaniwang dahilan ng mga nararamdamang sakit sa likod ng katawan.

Bagaman kadalasan ay nagkakaroon nito habang tumatanda, ang mga naninigarilyo ay mas maagang nakararanas nito dahil sa mas mahinang buto at sirang spinal tissues na nagdudulot ng mas matinding sakit kumpara sa kundisyon ng ibang hindi naninigarilyo, ayon din sa mga siyentipiko ng The Spine Journal.

Ang mga heavy smokers ay may 46 porsyentong tsansa na kailanganin ang spinal surgery; nasa 31 porsyentong increased risk naman para sa mga moderate smokers; at 13 porsyento sa mga dating naninigarilyo.

Muscle weakness and increased lower back strain

Sa ibang mga pag-aaral, tinukoy ang iba pang mga contributing factors sa increased lower back pain gaya ng pagtanda at obesity ngunit ang bagong pag-aaral na ito ay lalong nagpapatunay sa malaking koneksyon ng paninigarilyo at spinal surgery.

Kadalasan pa, ang heavy smoking habit ay kaugnay din ng sedentary lifestyle (too much sitting and little physical activity) na maaaring magpalala ng lower back strain at paghina ng mga kalamnan.

Nagkakaroon din ng mas mahinang bone density at mas mabagal na paggaling mula sa back fractures. At naaapektuhan din nito ang sensory at hormonal system na nagdudulot sa lalong pagiging sensitibo ng katawan sa sakit.

Sa kabila ng resulta, hindi naman naisama ng pag-aaral ang pag-aanalisa sa exercises habits ng study participants. Dahil puro mga kalalakihan ang naging subjects, maaaring magkaiba ang resulta nito sa mga kababaihan.

The benefits of jumping rope

Marami ang ipinapagwalang-bahala ang pag-e-ehersisyo dahil akala nila na kailangang gumastos ng malaki para rito. Ito ay dahil matunog at popular ang pagpunta sa gym at pag-e-enroll sa ilang fitness trainings tulad ng Pilates, Yoga at Crossfit na medyo may kamahalaan ang bayad.

Marami ang naghahangad na makapagbawas ng timbang – ang iba ay nais na gumaan ng 10 pounds, 20 pounds o higit pa ngunit nabibigo dahil sa iba’t ibang dahilan. Upang maging matagumpay sa pagbabawas ng timbang, isa sa mga dapat tandaan na mayroong 3,500 calories ang isang pound. Kaya kung nais na makapagbawas ng isang pound sa loob ng isang linggo ay kailangan mong makapag-burn ng 700 calories kada araw.

Jump rope training

Hindi napapansin ng marami ang malaking potensiyal ng jumping rope. Masasabing isa ito sa mabibisang paraan hindi lamang para sa pagbabawas ng timbang kundi pati na rin ang pagpapatibay ng resistensya ng katawan. Sa katunayan, hindi nawawala ang jumping rope sa pag-e-ensayo ng mga boksingero.

Sa humigit-kumulang na Php500 ay maaari nang makabili ng jumping rope na may magandang kalidad. Maaari mo na itong magamit ng ilang beses kada araw sa loob ng matagal na panahon. Lahat naman ay pamilyar kung paano ito gagamitin at sa konting ensayo ay madali itong matututuhan.

Magandang ehersisyo ang jumping rope dahil sa loob lamang ng 30 minuto na paggawa nito ay maaari ka nang makapag-burn ng 300 calories – hindi mo na kailangang magbayad ng mahal para pumunta sa gym. Basta’t may jumping rope, tamang espasyo at training shoes ay pwedeng-pwede mo na itong gawin. At kung aayusin mo rin ang mga kinakain mo araw-araw ay maaari mong ma-burn ang 700 calories kada araw.

Benepisyo ng jump rope training

Unang-una dapat ay naaayon sa iyong tangkad ang haba ng gagamiting jump rope. Upang malaman ito, hawakan ang magkabilang dulo ng jumping rope, tapakan ng paa ang gitnang bahagi nito at siguraduhin hanggang sa may kili-kili ang haba ng rope.

Maraming benepisyo ang jump rope training at isa na nga rito ay ang mabilis na pagbabawas ng timbang. Bukod dito, narito pa ang ilang benepisyo ng jumping rope exercise:

Mainam sa buong katawan. Magandang ehersisyo ang jumping rope dahil buong katawan ang nagagamit sa paggawa nito – binti, bisig, abs, puso at utak. Pinapatatag nito ang katawan at nakakadagdag sa bilis ng paggalaw at liksi.

    Muscle tone. Mabisang paraan ang jumping rope para sa kalamnan partikular sa ibabang bahagi ng katawan. Kaya sa mga unang beses na gagawin ito ay mararanasan ang pagsakit ng binti at kasu-kasuan na isang indikasyon na lalong tumatatag ang muscles at nagiging tone ito.

     Pagtanggal sa toxins. Natatanggal ang toxins sa katawan sa pamamagitan ng pagpapawis. Sa jumping rope, madaling pagpawisan ang katawan kaya’t nailalabas ang toxins na hindi maganda para sa katawan. Nakakatanggal din ito ng stress at tension sa katawan.

     Cardiovascular workout. Magandang ehersisyo ito sa puso dahil nadadagdagan ang blood flow kaya’t mas maraming nutrisyon ang napupunta sa katawan. Sa mga may problema sa puso at nais itong gawin ay dapat kumunsulta muna sa doctor.

5   Variations. Nakakaaliw ang ehersisyong ito dahil maraming paraan ang pwedeng gawin gamit ang jumping rope. Nariyan ang basic one hop, alternating jumps, one foot jumps, side straddles, double under at marami pang iba.