Mamitas ng ubas sa ‘grape capital ng Pilipinas’ na La Union

Sikat na destinasyon ang La Union lalo na kapag summer para sa mga gustong mag-beach, mag-surfing o kaya mag-relax sa presko at malamig na tubig ng mga matatayog na talon. Subalit, hindi na lang ang mga ito ang pwedeng ma-enjoy tuwing summer dahil nariyan din ang mga grape farms sa Bauang.

Kadalasang iniisip na ang mga grape vineyards ay matatagpuan lamang sa mga malalamig na lugar sa Europe at America; ngunit ngayon ay hindi na kailangang lumayo pa. Bagaman nitong 2014 lamang nang unang lumawak ang kaalaman ng publiko sa matagal nang presensiya ng mga vineyards sa La Union, unti-unting nakagawa ng pangalan ang La Union bilang “grape capital ng Pilipinas.”

Lomboy Farms

Itinuturing na kauna-unahang grape farm sa bansa ang Lomboy Farms na pinangangasiwaan ng binansagang “Philippines’ King of Grapes” na si Avelino Lomboy na sinimulan niya noong 1972.

Matatagpuan ito sa Barangay Urayong sa Bauang, La Union na nagsimula lamang sa pamamagitan ng 20 grape cuttings na galing Cebu na itinanim sa 25-ektaryang lupain. Ngayon, may 3,000 square meters na ang lawak ng vineyard at hindi na lang mga ubas ang inaalagaan dito kundi pati na rin ang guapple at dragon fruit.

Aniya, mas matatamis ang mga ubas tuwing tag-init kaya naman pinakamainam ang dumalaw dito sa pagtatapos ng Marso hanggang Mayo para siguradong matatamis ang mga ubas na mapipitas.

Mayroon ditong Php100 na entrance fee at Php350 ang grape-picking kada kilo. Maganda rin itong pagkakataon para masuportahan ang agri-tourism sa pagtangkilik ng mga produktong gawa sa ubas at guapple gaya ng grape wines at jams, gayon din ang iba pang produkto ng mga taga-La Union para sa iuuwing souvenir at pasalubong.

Bukas ito mula Lunes-Sabado (7am-4pm) at Linggo (7am-3pm). Maaari nang mag-reserve ng slots at group tours sa Lomboy Farms, makipag-ugnayan lamang sa Lomboy Farms Facebook paage o tumawag sa (072) 705-2105.

Gapuz Grapes Farm

Tinatawag na “The Porch Life” ang Gapuz Grapes Farm na pinayabong ni Joe Gapuz noong 2010 at nagmula naman sa Lomboy ang kanilang unang cuttings. Bukas ito 7am-6pm araw-araw at pwedeng kontakin ang farm sa kanilng Gapuz Grapes Farm Facebook page at sa numerong 0915-778-4594.

Wala ritong entrance fee ngunit kung nais kumuha ng larawan sa vineyard ay mayroong Php20 fee at Php250 bawat kilo naman ang ubas na maaaring bilhin o kaya ay pitasin. Makakabili rin dito ng mga grapes cuttings, nariyan din ang farm consultation, demo at seminars sa farm.

Swak naman ang sumali para sa mga mahihilig kumain sa boodle fight na isa rin sa patok na dinadayo rito sa Gapuz Grape Farm. Para sa 10 katao ay may bayad itong Php1, 500.

Calica Grapes Farm

Unang makikita naman ang Calica Grapes Farm pagdating sa Bauang-Caba boundary arch at malapit sa kalsadang  patungo sa isang baybayin. Pinapangasiwaan ito ng mag-amang Virgilio at Jenee Calica na nagsimula noong 2010.

Bukas din ito araw-araw mula 6am-7pm at walang entrance fee. Bagaman ang harvest season ay nagaganap tatlong beses sa isang taon, maiging magtanong sa farm sa pamamagitan ng kanilang Calica Grapes Farm LaUnion Facebook page o tumawag sa 0907-905-0303.

Manguerra Grapes Farm

Matatagpuan naman kalapit ng Gapuz ang Manguerra Grapes Farm na bukas sa publiko araw-araw mula alas-siyete ng umaga hanggang alas-sais ng hapon.  Makipag-ugnayan para sa inyong pagbisita sa Manguerra Grapes Farm Facebook page o sa 0909-446-0152/0907-858-6784.

Mula Maynila, mag-bus (Partas, Florida o Fariñas) na biyaheng Laoag o Vigan. Apat hanggang anim na oras ang biyahe at may pamasahe mula Php401-Php450 at bumaba sa boundary arch ng Bauang at Caba.

Manila-Osaka flight ng AirAsia lilipad na simula Hulyo 1

Ni Florenda Corpuz

Inanunsyo ng AirAsia na sisimulan na nila ang kanilang kauna-unahang flight sa pagitan ng Pilipinas at Japan sa pamamagitan nang paglulunsad ng kanilang araw-araw na serbisyo sa Manila-Osaka na ruta simula sa Hulyo 1.

Ang Osaka ang magiging pang-walong international destination ng AirAsia mula Pilipinas na mag-uugnay sa mga Pilipino sa Osaka.

“The launch of direct flights between the Philippines and Japan is a milestone occasion, and we’re excited to connect our capital, Manila with Osaka,” pahayag ni AirAsia Philippines President and CEO Dexter Comendador.

“Being able to travel directly and affordably to Osaka is fantastic news for Filipinos and we’re confident this new route will serve as a gateway for guests to connect to other popular destinations in Japan such as Kyoto and Nara.

“We are also excited to welcome guests from Osaka and its neighbouring regions to the Philippines. This international route will contribute to the government’s target of 8.2 million visitors this year,” dagdag pa niya.

Lilipad ang AirAsia mula Maynila patungong Osaka (Z2 188) 8:30 ng umaga at lalapag ng 1:15 ng hapon habang ang Osaka patungong Maynila naman (Z2 189) ay aalis ng 1:50 at lalapag ng 4:55 ng hapon.

Para ipagdiwang ito ay naglabas ng all-in promotional fares ang AirAsia sa pagitan ng Manila at Osaka simula sa presyong Php1,990 (one-way travel only). 

Ang Osaka ang pangatlo sa pinakamalaking lungsod sa buong Japan. Ilan sa mga popular na tourist attractions dito ay ang Osaka Castle, Sumiyoshi Taisha at Shitenno-ji Temple. Matatagpuan din dito ang mga sikat na amusement parks tulad ng Universal Studios Japan at Legoland Discovery Centre. 

Kilala rin ang lugar sa tawag na “Nation’s Kitchen” kung saan hindi makukumpleto ang pagbisita rito kung hindi susubukan ang mga popular na pagkain tulad ng takoyaki, okonomiyaki at kushikatsu.

Sa kasalukuyan ay bumibiyahe ang AirAsia sa 13 international destinations mula sa Maynila kabilang ang Kuala Lumpur, Kota Kinabalu, Bangkok, Bali, Seoul, Taipei, Kaohsiung, Shanghai, Guangzhou, Shenzhen, Hong Kong, Macau at Ho Chi Minh City. 

ANA mamumuhunan ng $95-M sa PAL

Ni Florenda Corpuz

Mula sa kaliwa: Sina Philippine Airlines President/COO Jaime Bautista,
LT Group President/PAL Holdings director Michael Tan, ANA
Holdings President/CEO Shinya Katanozaka, at All Nippon Airways
President/CEO Yuji Hirako sa signing ceremony na ginanap kamakailan
sa ANA Intercontinental Hotel, Tokyo. (Kuha ni Din Eugenio)

TOKYO – Sigurado na ang partnership ng All Nippon Airways (ANA), ang pinakamalaki at 5-star airline ng Japan sa loob ng anim na taon, at ng Philippine Airlines (PAL), ang 4-star flag carrier ng Pilipinas.

Ito ay matapos selyuhan ng dalawang airline companies ang paglalagak ng $95 milyong puhunan ng ANA Holdings Inc. (ANA HD) sa PAL Holdings Inc. at pagkuha ng 9.5 porsyentong outstanding shares ng una sa huli.

Manggagaling ang shares na kukunin ng ANA HD sa Trustmark Holdings Corporation na pag-aari ng pamilya Lucio Tan, ang pinakamalaking shareholder ng PAL Holdings.

“Having been established in 1941, PAL is the oldest airline in Asia and it is the foremost flag carrier of the Philippines. This year marks the 70^th anniversary of its service to Japan, which was launched even before the Japanese carriers started their service on Japan-Philippines route,” panimula ni ANA Holdings, Inc. President and CEO Shinya Katanozaka sa kanyang talumpati sa ginanap na Business and Capital Partnership ceremony sa pagitan ng dalawang kumpanya na ginanap sa ANA Intercontinental Hotel kamakailan.

“Lucio Tan Group, which holds stakes in PAL is the Philippines’ leading conglomerate operating in wide range sectors including food, air travel, hotel, and international services, among others. It is a great pleasure for us to form partnership with such a fine partner with a proud long history,” aniya.

Binanggit din ni Katanozaka na ang ANA HD ay “confident in the high potentials of the Philippines” dahil isa ito sa mga bansa sa Asya na nagtala ng pinakamaraming bilang ng mga turistang bumisita sa Japan sa nakalipas na limang taon.

“We look forward to exchanges with Lucio Tan Group and Philippines Airlines to build durable win-win relationship, and hopefully that would take us into further collaboration in various areas in the future,” dagdag pa niya.

Ibinahagi naman ni Michael G. Tan, pangulo ng LT Group, Inc. at director ng PAL Holdings, ang kanyang pagkagalak.

“It has been a privilege of Philippine Airlines to serve the Philippines-Japan international market for seven full decades,” aniya.

Unang lumipad ang PAL patungong Japan sa pamamagitan ng Manila-Tokyo route noong Enero 26, 1949.

“As partner airlines, ANA and PAL share commitment to excellence and passion that is deep and traditional, but also young and modern, and very much focus on the future of innovation and opportunities,” saad niya.

Dumalo rin sa seremonya sina President and CEO of All Nippon Airways Co., Ltd. Yuji Hirako at President and COO of Philippine Airlines, Inc. Jaime J. Bautista.

“We at ANA look forward to learning more about Filipino hospitality to brush up the Japanese way of hospitality. ANA will work even more closely with PAL, which is the only full service carrier in the Philippines to provide services of the highest quality together by working in unison,” sabi ni Hirako.

Sinabi naman ni Bautista na ang pamumuhunan ng ANA Holdings sa PAL Holdings ay maituturing na “major breakthrough” para sa relasyon ng Japan at Pilipinas.

“We assure you that Philippine Airlines is ready to do our part to build on the solid and worthy foundation that we are celebrating today,” aniya.

Sa kasalukuyan ay may 84 flights bawat linggo sa siyam na ruta patungong Japan ang PAL habang ang ANA naman ay nag-o-operate ng 14 na flights kada linggo sa dalawang ruta sa Pilipinas. May codeshare operations din ang dalawang carriers sa Japan-Philippine routes at domestic routes sa Japan at sa Pilipinas na nag-uugnay sa kabuuang 16 na Japanese at 11 na Philippine destinations.

Ika-45 anibersayo ni Hello Kitty ipagdiriwang sa Sanrio Puroland

Gugunitain ng Sanrio Puroland, na kilala rin sa tawag na Hello Kitty Land Tokyo, ang ika-45 anibersaryo ni Hello Kitty sa pamamagitan ng mga serye ng selebrasyon ngayong 2019. Sisimulan ang pagdiriwang kasabay nang paglulunsad ng “Sweets Puro,” ang unang seasonal event ng theme park para sa taon.

Nagsimula ang pagdiriwang ng Puroland noong Enero 12 pati rin ng sister park nito na Harmonyland.

May konseptong “My First Kitty,” iniimbitahan ang mga Hello Kitty fans para sa isang memorable Hello Kitty experience.

Sa pagbubukas pa lamang ng theme park ay may pagkakataon na silang makilala at mabati si Hello Kitty sa Lady Kitty House na napapalamutian ng mga kulay rosas at lila. Mayroon din mga special anniversary rosettes na idinisenyo sa 45 popular na makasaysayang Hello Kitty styles mula 1974 hanggang 2017.

Iikot naman sa temang “Sweet and Strawberries” ang Sweets Puro na tatagal hanggang Marso 12. Popular ang strawberry picking sa Japan sa pagitan ng mga buwan ng Enero at Mayo.

Mayroon din bagong illumination show tampok ang kulay rosas. Tatawagin itong “Ichigo Ichie” na ang ibig sabihin ay “once in a lifetime” at galing din sa salitang “ichigo,” na nangangahulugang strawberry sa salitang Hapon. Para markahan ang event ay magsusuot ang karamihan sa mga karakter sa Puroland ng mga strawberry costumes.

Marami rin makikitang anniversary photo spots sa loob ng theme park tulad ng strawberry carriage na napapalamutian ng mga regalo para kay Hello Kitty. Makakapagpalitrato rin ang mga Hello Kitty fans sa Puroland Lady Kitty House photo studio kasama si Hello Kitty habang suot ang kanyang special 45^th anniversary robe na nababalutan ng flower petals.

“Hello Kitty has been spreading joy for 45 years amongst an ever increasing fan base covering all age groups,” ani Kentaro Kawai ng Sales Department ng Sanrio Entertainment Co. Ltd., ang operator ng Puroland.

“We are grateful to all fans and visitors and want them to have a wonderful and uplifting experience at Sanrio Puroland and to feel being a part of the spirit of this celebration which is only possible because of them,” dagdag niya.

Mararating ang Puroland 30 minuto sa pamamagitan ng train mula sa Shinjuku at isang oras naman mula sa Tokyo Station. Nagkakahalaga ang ticket ng ¥3,300 para sa mga matatanda at ¥2,500 para sa mga bata tuwing Lunes hanggang Biyernes habang nasa ¥3,800 para sa mga matatanda at ¥2,700 para sa mga bata tuwing Sabado at Linggo.

‘Kawaii Kabuki Play’ tampok sa Sanrio Puroland

Isa ang Sanrio Puroland o kilala rin sa tawag na Hello Kitty Land sa pinakapopular na theme parks hindi lamang sa Japan kundi sa buong mundo. Sa katunayan, isa ito sa mga madalas na dinarayo ng mga dayuhang turista. Nito lamang 2017, umabot sa 800,000 turista ang pumunta sa naturang parke.

Upang lalo pang maengganyo ang karamihan na bumisita sa Sanrio Puroland ay inilunsad ang “Kawaii Kabuki Play,” na tampok ang tradisyonal na kultura ng Japan at ang masasabing “kawaii” o cute culture, sa Marchen Theater.

Simula nang ilunsad ito nitong Marso, marami ang nagkagusto sa naturang pagtatanghal dahil sa magandang interpretasyon nito ng “Momotaro,” na isang popular na kwentong-bayan sa Japan. Kahanga-hanga rin ang naggagandahang costumes na kumbinasyon ng damit ng kabuki na mayroong disenyo na Hello Kitty.

“We would love Hello Kitty fans from around the world to enjoy this unique and original musical, which blends for the first time, the traditional Japanese art of Kabuki Theater with the ‘KAWAII’ (cute) nature of the characters,” pahayag ni Aya Komaki, Director ng Sanrio Entertainment Co. Ltd.

Dagdag pa ni Komaki, orihinal at natatangi ang itinatanghal na musika kaya naman kadalasan ay punung-puno ang Marchen Theater ng mga manonood dahil sa agad itong naging paboritong puntahan ng mga turista.

“We are simply delighted with the warm and encouraging reception of the new Marchen Theatre show. Our aim at all times is to give our visitors a unique experience that uplifts the spirit through the warmth and kindness that our Puroland characters embody in their very own ‘kawaii’ ways. We feel that that new Kawaii Kabuki is helping much to achieve that,” ani Komaki.

Ikinukunsidera bilang “Mecca of Sanrio Characters,” itinayo ang Sanrio Puroland noong 1990 ng Sanrio Entertainment Co., Ltd., na apat na beses ang laki sa Nippon Budokan.

“The concept of the theme park is communication, to have fun by meeting Hello Kitty, to make a fun memory inside the theme park and to feel ‘kawaii.’ Sanrio Puroland is for everyone, not just for children and female visitors. We also have Sanrio male visitors “Sanrio danshi” (Sanrio boys).”

Ilan sa mga paboritong atraksyon sa Sanrio Puroland ang Sanrio Character Boat Ride, na tumatagal ng 10 minuto na pagliligid sa Sanrio World; My Melody & Kuromi – Mymeroad Drive, kung saan maaaring magmaneho gamit ang Eco Melody Car at maaari rin kumuha ng litrato; at ang Gudetama Land, na lugar para sa mini-games at photo spots.

Tampok din ang Lady Kitty House, kung saan maaaring makita ang pribadong lugar ni Hello Kitty, ang hardin nito, Japanese tea room, dress tower at iba pa. Nariyan din ang Rainbow World Restaurant kung saan maaaring kumain ng pasta, ramen at curry.

Matatagpuan sa Tokyo, nagkakahalaga ang ticket ng ¥3, 300 para sa mga matatanda at ¥2,500 para sa mga bata tuwing Lunes hanggang Biyernes habang nasa ¥3,800 para sa mga matatanda at ¥2,700 para sa mga bata tuwing Sabado at Lingo.

Shibuya’s favorite izakaya Toritake brings its famous yakitori at UP Town Center

“Through the different innovations in Japanese cuisine, yakitori has been prepared and served in Japan in many various ways, but Toritake remains loyal to traditional Japanese eating.”

Ito ang pahayag ni Yusuke Teruya, director at executive chef ng Toritake, sa panayam ng Breakfast Magazine ukol sa pagbubukas kamakailan ng sikat na Shibuya izakaya place sa UP Town Center sa Quezon City, na siya ring kauna-unahang branch ng Toritake sa labas ng Japan.

Dumating sa bansa si Teruya para sanayin ang mga staff at pangasiwaan ang operasyon ng restaurant para masigurado ang authentic yakitori dishes kung saan ito kilala. Hindi naman kataka-taka ang pagkakapili ng ‘Pinas bilang unang international branch ng Toritake, aniya, isa ang mga Pinoy sa mga pangunahing banyagang customers sa Shibuya.

Swak na swak ito sa mga Pinoy na mahilig sa manok at anumang inihaw na pagkain. Kaya’t sabihan na ang mga kaibigan o kamag-anak para ‘di na kailangan pang dayuhin ang Shibuya para sa katangi-tangi at big servings ng yakitori at grilled dishes ng nag-iisang Toritake.

The popular hole-in-the-wall since 1963

“As traditional as it gets – open-air dining areas and the smell of charcoal mingling with cigarette fumes,” ang pagsasalarawan naman ng Spot.ph sa set-up ng Toritake sa Shibuya.

Mula sa mga salitang “tore” (chicken) at “tare” (bamboo), kapag pinagsama ay nangangahulugang “chicken on bamboo sticks,” kaya ang pangunahing menu nito ay mga chicken dishes. 

Mula nang magbukas ito noong 1963 sa Shibuya, napanatili nito ang tradisyonal na izakaya setting, gayon din ang istriktong 55-taong tradisyon ng pamamaraan nito sa pag-iihaw ng manok at pagpili ng mga piling-piling sangkap.

Ngayon, isa na ito sa pinakamatagal na izakaya ng Japan at dahil sa pagiging dining hotspot nito sa loob ng mahabang panahon sa parehas na mga residente at mga turista, naging tatlong palapag na ang open-air izakaya na bantog sa kasiglaan ng ambiance nito sa mga kumakain, umiinom at naninigarilyong customers.

Bagaman hindi kasing-casual ang set-up ng Toritake sa UP Town Center dahil sa mall location nito, aniya, mayroon pa rin namang presensiya ng ilang “izakaya elements” – ang open kitchen nito at display ng Japanese whisky at sake bottles.

Crispy ajishio and smoky savory tare

At dahil din nasa mall ito, gumagamit ng electric grills sa halip na charcoal grills. Ani Erika Lim na senior marketing manager ng Toritake Philippines sa Spot, “We put charcoal inside the grill so we still get that charcoal taste and smell.”

Ngayon, medyo kakaunti pa ang menu ng Toritake kumpara sa Shibuya, ngunit dagdag pa ni Lim, “We plan to include chicken liver and gizzards, soon, as well as alcoholic drinks beer, Japanese whisky, sake, and highballs. We just want to be sure we can keep the quality consistent before we can think of adding more.”

Sa kabila nito, sigurado naman na mapupunan ito ng kakaibang sarap ng iba’t ibang grilled chicken dishes na gaya rin ng nasa Shibuya lalo na’t metikuloso ang sinusunod na pamantayan sa paggawa nito.

Aniya, kinakailangan na laging dalawang kilogramo ang bigat ng karne at higit sa lahat hindi ito frozen para magarantiya ang “tender, tastier, and juicier yakitori.”

Pwede rin mamili sa dalawang klase ng marinate – “ajishio” (salt and pepper) na malutong ang pagkakaluto na gaya ng sa fried chicken at “tare” (special yakitori glaze) na may smoky-savory-juicy barbecue flavor.

Ilan lamang sa inirerekomenda ang Toritake special soup (chicken broth, with mushroom, nori, chicken strips, quail egg, veggies) at potato salad bilang appetizers; supersized na chicken karaage; momoyaki (grilled quarter chicken); chicken ketchup rice; tsumire (chicken meatballs stuffed in bell pepper slices); yakitori rice bowl (good for two); chicken wings; chicken skin yakitori; chicken tail yakitori; at ang signature grilled chicken yakitori (served in various chicken cuts like chicken breasts, chicken hock).

Magical potions come alive at a pop-up cocktail experience in New York and London

Ni Jovelyn Javier

Ipinagdiwang sa pagsisimula ng Setyembre ng mga tagahanga ng “Harry Potter” ang “Back to Hogwarts Day” sa King’s Cross Station sa London kung saan sinorpresa pa ng mga bida ng nalalapit na “Fantastic Beasts 2” movie na sina Jude Law at Eddie Redmayne ang mga tagahangang nagtipun-tipon dito.

Ngunit tuluy-tuloy pa ang selebrasyon ngayong buwan hanggang sa winter season dahil sa pagbubukas kamakailan sa New York ng fantasy-themed pop-up cocktail making experience na The Cauldron.

Matatagpuan ang The Cauldron sa 2^nd floor ng Bavaria Bierhaus sa Stone Street, Financial District ng Lower Manhattan mula Setyembre 12 – Disyembre 31. Mabibili ang tickets nito sa thecauldron.io/nyc na nasa $44.99 (off-peak) at $54.99 (peak) at nagtatagal ang klase ng isang oras at 45 minuto.

A magical cocktail experience through science

“The idea that magic is real and just inaccessible to ordinary people is a concept that resonates with a generation of fantasy fans. Our goal is to use science, the magic of our world, to make that dream real.”

Sa pagpasok ng mga guests, bibigyan sila ng robes at interactive magic wand na kanilang gagamitin para maglagay ng Poetic Meade, isang honey wine na nakikita sa mga kwento ng mitolohiya sa kanilang cauldron.

Gaya ng potions class sa Harry Potter, mayroong workstations na may cauldrons, mixing utensils at fresh/bottled potion-making ingredients para makagawa ng dalawang klase ng drinkable potions na nag-iiba ng kulay, umuusok, at bumubula.

“The potions behave in different ways according to what you put in them and how you make them. It basically stems from molecular mixology,” ang paliwanag ni co-founder David Duckworth, isang molecular mixologist at cocktail experience designer sa panayam ng Business Insider.

Dagdag pa niya, “We use a lot of different ingredients in our drinks but we’re sticking with traditional things – elderflower, lavender, and we also have a flower native from Indonesia which has its own magical properties.”

Makakakuha rin ng beer gamit ang magical wand sa tinatawag na “tree of life.” Mayroon din silang sariling plants at herbs gaya ng basil, thyme, mandrake, at monkey jars na ginagamit bilang mga sangkap. Available rin ang alcohol-free, gluten at vegan options ngunit dapat ay nasa legal drinking age ang mga guests.

Bringing magical lore to life

Mula sa tagumpay ng unang pop-up sa London kung saan tumakbo ito ng limang buwan na dinaluhan ng mahigit 15,000 guests, ibinabalik muli ang naturang experience rito sa ikalawang beses na gaganapin sa Elephant & Castle mula Setyembre 26 - Enero 31 ng susunod na taon at makakabili ng tickets sa thecauldron.io/London.

Nag-umpisa bilang Kickstarter project mula kay Matthew Cortland, isang dating reading teacher na ngayo’y technology entrepreneur, noong Hunyo 26 nang nakaraang taon na araw din ng ika-20 anibersaryo ng Harry Potter para noo’y maglikom ng pondo para sa Cauldron Wizarding Pub & Inn.

Aniya, sa kumbinasyon ng teknolohiya at Internet of Things na tinawag niyang “Magic of Things,” ay gagawa ng isang pub kung saan maisasabuhay ang mga konsepto ng magic ng mga fantasy novels at wizarding universes sa inspirasyon ng mga obra nina J.K. Rowling, C.S. Lewis, at J.R.R. Tolkien.

Ngunit dahil hindi nito naabot ang target funding, naisipan ni Cortland na i-rebrand ito bilang pop-up at saka lumipat sa London mula Dublin kung saan niya nakilala sa London Cocktail Week si Duckworth.

Sa kabila nito, inamin ni Cortland na nasa plano pa naman ang naunang proyekto. “Eventually, we would like a permanent pub that’s for locals and tourists alike that’s based kind of in the Soho area. But for now, we are validating the idea to show that it has traction and people like it. This is kind of the midway point in between that journey,” ang dagdag pa nito sa Business Insider.

Novelty dining service Dinner in the Sky inilunsad sa Solaire Resort and Casino

“The Philippines is the third country in Southeast Asia in which the Dinner in the Sky experience is taking place. We are especially excited about its launch as Filipinos are known to be adventurous and fun-loving people. This experience will be a good boost to the country’s variety of culinary outlets, and both locals and tourists alike should not miss this once-in-a-lifetime experience. We are also excited to work with our local Filipino partners, who share our vision in making the event an unforgettable one for everyone.”

Ito ang pahayag ni Arvin Randahwa (CEO - DITS ASIA) sa naganap na press conference kamakailan sa Solaire Resort and Casino sa Parañaque, ayon sa When in Manila website tungkol paglulunsad ng Belgian-based novelty dining service na Dinner in the Sky kamakailan.

A culinary escapade for the thrill-seekers

Naganap ang paglulunsad na ito sa pamamagitan ng organisasyon ng pinagsama-samang kolaborasyon ng MMI Live, DITS Asia, at Solaire Resort and Casino. At ito ang unang pagkakataon na makarating sa Pilipinas ang binansagang isa sa Top 10 Most Unusual Restaurants sa listahan ng Forbes Magazine.

Mayroon nang lampas sa 5,000 events ang naisagawa para sa Dinner in the Sky na nauna nang ginanap sa mahigit 45 na siyudad sa iba’t ibang panig ng mundo. Ilan lamang dito ang baybayin ng Copacabana sa Rio de Janeiro, Brazil; mga hardin ng King David Hotel sa Jerusalem, Israel; sa taas ng mga burol sa Villa Borghese sa Rome, Italy; mga dalampasigan ng St. Lawrence River sa North America; Cape Town Bay sa South Africa; Strip of Las Vegas, USA; at Petronas Twin Tower sa Kuala Lumpur, Malaysia.

Inumpisahan ang kakaibang dining service sa Brussels, Belgium noong Mayo 2006 at binuo naman ang konsepto nito ng isang Belgian company, ang E.I.T.S. BvBa. Lahat naman ng mga pamamaraan, drawings, calculations, at simulations ay aprubado at sinusuri ng TÜV Rhineland (global provider of technical, safety, and certification services).

“As we celebrate our 5th anniversary, Solaire brings you yet another world-class experience. Dinner in the Sky is a bold testament to our commitment to continuously give our guests memorable experiences that no other property in the Philippines has done before,” ang pahayag naman ni Lorenzo Manalang, Brand & Marketing Vice President ng Solaire Resort and Casino.

A bird’s eye view and the famed Manila Bay sunset

Idinisenyo rin ang mga makinarya at platform na ginagamit ayon sa pamantayan ng Germany ukol sa mga flying structures at gawa sa Belgium ang naturang platform. Istrikto rin ang isinasagawang regular na safety check-up at maintenance para masiguradong ligtas ang naturang culinary heights experience.

“Filipinos now are more receptive to new ideas, eager to try exciting concepts, aggressively chasing experiences they have seen and heard around the globe. The Philippines is ripe for the picking – to be a stop for a unique, world-class dining experience such as Dinner in the Sky,” dagdag naman ni Rhiza Pascua, CEO ng MMI Live.

Iaangat sa ere ang dining table sa taas na 45-50 metro (based on weather conditions) sa pamamagitan ng isang crane kung saan ang mga guests, presenter, at crew ay nakasuot ng safety belts sa loob ng isang oras. Bago naman sumalang, kailangan din dumaan ng mga guests sa isang briefing tungkol sa mga safety regulations. At sa kabuuan ng session ay may regular na monitoring at komunikasyon ang mga crane operator at ground crew.

Nagsisimula ang package sa Php9, 990 kung saan kabilang dito ang isang four-course exclusive dinner at world-class cuisine mula sa mga chef ng Solaire na sina Chef Kenneth Cacho (Director for Culinary Arts of the International School for Culinary Arts and Hotel Management (ISCAHM)), at Michelin-star Chef Yves Mattagne ng Sea Grill – Brussels. Kasama rin sa package ang Dinner in the Sky lounge admission, at ang kaaya-ayang Manila Bay sunset view.

Bukas ito para sa lahat na lampas 13-taong-gulang (minimum height of 145cm and a maximum weight of 150kg), maging sa mga guests na may mild disabilities o gumagamit ng wheelchair ngunit kailangan magsumite ng sulat bago mag-book, 22 katao lamang ang pinapayagan sa bawat session, at kailangan nasa lounge na ang mga guests isang oras bago ang session.

Air New Zealand ilulunsad ang updated version ng Skycouch sa gitna ng taon

“While we initially marketed the Skycouch to couples, we quickly found the product suited parents with young families especially well. Parents can relax while their children are able to have their own space and flat area to play without interrupting other passengers.”

Bahagi ito ng pahayag ni Air New Zealand general manager Anita Hawthorne sa panayam ng Huffington Post UK patungkol sa pinaplanong paglulunsad ng naturang airline sa modified product version ng Skycouch.

The innovative Economy Skycouch

Hindi talaga biro ang long-haul flights lalo na sa mga magulang na may dalang sanggol o kaya naman ay dalawa o tatlong malilikot na mga bata na kadalasan ay nagdudulot ng dagdag pang stress sa kabuuan ng biyahe.

Dahil dito, naisipan ng Air New Zealand na tugunan ito sa pamamagitan ng Economy Skycouch na unang binuo ng airline noong 2011 kung saan bahagi nito ang Skycouch Cuddle Belt na maaaring humiga ang dalawang adults o isang adult at isang bata nang magkatabi ngunit ngayon ay pwede na ang dalawang batang kasama.

Mula rito, siniyasat ng mga airline staff ang mga nakaranas na sa Skycouch para maintindihan ng airline kung ano pang upgrades ang pwede nilang isama sa Skycouch para mas mapagbuti pa ang flexibility at relaxation features nito.

“Imagine a row of three Economy seats that can be turned into a couch after takeoff. So you and your friend or family member can stretch out. It’s so flexible it can be used as seating, a couch or even a play area. You’ll also get some lovely bedding and pillows. It’s a world first.”

Ito ang pagsasalarawan ng Air New Zealand sa Skycouch sa website nito, at sinisigurado rin ng airline na mapanatili ang comfortability at  privacy para sa mga guests dahil ang buong tatlong hilera ng Skycouch ay nakalaan lamang sa nag-book nito at hindi pwedeng ibahagi sa hindi kasama.  

Kapag nag-upgrade sa Economy Skycouch, kasama na rin dito ang pagkain at entertainment.

An ideal space to stretch out for everyone

Bagaman pangunahing market nito ay mga magulang na may bata, para rin ito sa lahat ng klase ng guests – mga mas malalaking pamilya, adults na may kasamang nakatatanda, couples, at solo travelers, para magkaroon ng mas malawak na personal space, stress-free, relaxing, at enjoyable flight experience.

Nakatakda sa gitna ng taong ito ang availability ng Skycouch Infant Harness, Belt and Pod kung saan pwedeng humiga ang isang sanggol sa tinatawag na Skycouch Infant Pod (optional collapsible sleep space) at sa tulong ng safety harness at belt para mapanatiling nakahiga ito mula take-off hanggang landing.

Complimentary ang Skycouch Infant Harness, Belt and Pod sa lahat ng Economy Skycouch customers na may kasamang sanggol.

Kagaya rin ng normal na economy seats ang mga upuan ngunit may adjustable footrest (adjust to 60 and 90 degrees) para maging couch ito. Naitataas ang arm rest sa window side nito at ang mga armrests naman sa mga gitnang upuan ay pwedeng itago sa likod nito. Mayroon din itong extension seat belts.

Nasa 1.55m (5ft 1”) ang haba ng Skycouch kapag nakataas ang side wall armrest at lalim na tinatayang nasa 74cm (29”) kasama ang leg rest at cushion.

Ang mga Economy Skycouch seats ay makikita naman sa forward economy cabin ng lahat ng 777 and 787-9 aircraft ng airline.

Maliban sa domestic flights sa loob ng New Zealand, bumibiyahe ang Air New Zealand sa Australia, Pacific Islands, North America, Canada, South America, Europe, at Asia.

Biyahe ng Jetstar Asia mula Clark patungong Osaka sinimulan na

Kuha mula sa Jetstar Facebook page

Opisyal nang sinimulan ng Jetstar Asia ang direct flight nito mula Clark International Airport (CRK) sa Pampanga patungong Kansai International Airport sa Osaka sakay ang 188 pasahero umaga ng Marso 27.

Mag-o-operate ng tatlong weekly services sa rutang ito ang Jetstar Asia gamit ang Airbus A320 na may kapasidad na 180 seats.

“This direct service is an exciting development and the first connection from Northern Luzon to Japan. We are delighted to bring this service to all our customers in this region,” ani Jetstar Asia CEO Bara Pasupathi sa paglulunsad ng serbisyo noong Enero.

“Clark International Airport will be the second gateway in the region for Singapore and Japanese travellers to fly to the Philippines,” dagdag pa niya.

Sinabi naman ni Clark International Airport Corp. (CIAC) President and CEO Alexander Cauguiran na patuloy na pinapalalim ng Jetstar ang kanilang presensya sa Pilipinas dahil sa rutang ito.

Mag-o-operate ng hanggang sa 44 serbisyo ang Jetstar Asia at Jetstar Japan sa Osaka, Nagoya, Narita at Singapore mula Maynila at Clark.

11 restaurants sa Japan napabilang sa listahan ng Asia’s Best 50

Ni Florenda Corpuz

 Ang mga nanalong chefs at restaurateurs sa ginanap
na Asia’s 50 Best Restaurants awards ceremony na ginanap sa Wynn Palace,
Macao kamakailan. (Kuha mula sa Asia’s 50 Best Restaurants 2018)

Kinilala na ang Asia’s 50 Best Restaurants 2018 na inisponsoran ng S. Pellegrino & Acqua Panna kung saan kabilang ang 11 restaurants mula Japan sa isang awards ceremony na ginanap sa Wynn Palace, Macao kamakailan.

Umakyat sa pangalawang pwesto ang Den mula sa pang-11 pwesto noong nakaraang taon at itinanghal na “The Best Restaurant in Japan” kapalit ng five-time title holder na Narisawa na nasa pang-anim na pwesto ngayong taon.

Kabilang din sa Top 10 ang Florilège (No.3) at Nihonryori RyuGin (No. 9). Newcomer naman ang Tokyo-based Il Ristorante – Luca Fantin (No. 28). Nakasama rin sa listahan sa unang pagkakataon ang La Cime (No.17) sa Osaka at nakakuha ng Highest New Entry Award.

Pasok din sa listahan ang L’Effervescence (No. 20) na ginawaran ng Sustainable Restaurant Award, Sushi Saito (No. 27), Hajime (No. 34) sa Osaka, Quintessence (No. 38) at La Maison de la Nature Goh (No. 48) sa Fukuoka.

Ginawaran naman ng Chefs’ Choice Award ang acclaimed chef na si Yoshihiro Narisawa. Sa loob ng dalawang dekada, nakamit ni Narisawa ang respeto mula sa kanyang mga kasamahan sa pamamagitan ng kanyang “refined dishes and ability to blend French cooking techniques, employ sustainable practices and honour Japanese culinary traditions.”

Samantala, ginawaran naman ang Filipino restaurant na Toyo Eatery sa Maynila ng Miele One To Watch Award. Ang parangal ay ibinibigay sa isang restaurant na hindi kabilang sa listahan ng Asia’s 50 Best list ngunit kinikilala bilang “rising star of the region.”

Ang listahan ay ginawa mula sa mga boto ng Asia’s 50 Best Restaurants Academy, isang maimpluwensiyang grupo na kinabibilangan ng may mahigit sa 300 lider sa restaurant industry sa Asya. Ang panel sa bawat rehiyon ay binubuo ng mga food writers at critics, chefs, restaurateurs at ‘gastronomes.’

Spring in Nikko

Rinnoji Temple

Isa sa mga pinakapopular na destinasyon ng mga lokal at dayuhang turista sa Japan ang Nikko. Matatagpuan sa Tochigi Prefecture, isa itong ancient town na puno ng mga makasaysayang lugar kabilang ang “World Heritage site of the Shrines and Temples of Nikko.”

Tuwing panahon ng tagsibol ay namumulaklak ang mga puno ng cherry blossom dito kung saan ang iba ay lampas 300 na taon na ang edad. Sa paglalakad dito mula sa istasyon ay masisiyahan na ang mga turista sa mga nakamamanghang flower show sa paligid.

Mula Abril 6 hanggang 30 ay isasagawa rito ang Nikko Cherry Blossom Festival kung saan bukod sa naggagandahang cherry blossom ay mae-enjoy ng mga tao ang espesyal na confectionary na gawa mula sa cherry blossoms. Sa ibang bahagi ng lugar ay napapailawan ang mga cherry blossom tuwing gabi na lumilikha ng kahanga-hangang tradisyonal na Japanese atmosphere.

Cherry blossom spots

Ang weeping cherry blossom tree sa Takada family house ay isa sa mga popular na spots dito kahit na matatagpuan sa isang pribadong lugar. Tinatayang nasa 370 na ang edad nito na mamumulaklak mula sa kalagitnaan hanggang huling bahagi ng Abril.

Ang Kokuzoson temple na itinalagang cultural property ng Tochigi Prefecture ay tahanan ng isa pang weeping cherry tree na ang edad ay nasa 350 taon na mamumulaklak mula sa kalagitnaan hanggang huling bahagi ng Abril.

Ang “Kongo-zakura” cherry tree sa Rinno-ji Temple ay nakarehistro bilang natural monument na namumunga ng puting bulaklak mula pink buds na mamumulaklak mula sa huling bahagi ng Abril hanggang sa unang mga araw ng Mayo.

Recommended shops

Meiji-no-yakata Cake Shop. Ito ay matatagpuan sa harap ng Tobu Nikko station. Nagbebenta rito ng cakes, tarts at cookies. May café sa 2^nd floor nito. Ang mga pound cakes at cheesecakes na gawa na may cherry blossoms ay mabibili tuwing spring.

Yubatei Masudaya. Pamoso ang restaurant sa kanilang yuba (tofu skin). Nagbukas ito sa publiko noon pang Meiji period. Matatagpuan ito limang minuto mula sa istasyon. Kabilang sa full yuba course ang cherry blossom deserts na matitikman lamang tuwing spring.

Ganso Nisshodo. Mahigit sa 80 taon nang bukas ang tindahan na ito kung saan makakabili ng kankintsuba na gawa sa salted cherry tree leaves sa sweet bean paste.

Nikko Kanaya Hotel Craft Lounge. Bukas sa publiko noon pang 1873, mae-enjoy ng mga bisita ang masarap na cherry blossom parfait dito tuwing Nikko Cherry Blossom Festival.