Smash Childhood Cancer: Using android phones and PC’s processing powers as cancer-treatment aid

Isang cancer study, ang Smash Childhood Cancer (SCC) project, na pinamumunuan ng mga siyentipikong Japanese ang humihikayat sa lahat ng indibidwal at mga kumpanya na ipahiram ang computing processing ng kanilang mga personal computers (PCs), tablet at Android phones. Ito ay para makapagbigay ng tulong sa pagtukoy ng mga chemical compounds na magiging mabisa sa paglaban ng mga cancer cells sa mga bata.

Pinangungunahan ni Dr. Akira Nakagawara, CEO ng Saga Medical Center Koseikan, ang global research collaboration na nagsimula nitong Enero lamang at kasama ang mga miyembro ng Life Science Research Institute – Saga Medical Center, mga siyentipiko ng Chiba University, Kyoto University, at mula Hong Kong.

Sa tulong ng World Community Grid (WCG) na binuksan ng IBM (International Business Machines Corp.) noong 2004, kailangan lamang mag-rehistro at mag-download ang sinumang gustong maging volunteer ng isang application sa website nito sa world Community website para magamit sa pagsasaliksik ng pag-aaral.

“Computing processing that would require 55,000 years to be done by a single ordinary computer was finished in just two years. We hope to identify effective chemical compounds in three to five years and carry out animal experiments,” ang pahayag ni Nakagawara sa isang panayam ng Asahi.

Nakatuon ang research study sa paghahanap ng gamot para sa anim na klase ng childhood cancer gaya ng neuroblastoma (frequently starts from one of the adrenal glands, can also develop in neck, chest, abdomen, spine), brain tumor, liver cancer, Wilms’ tumor (kidney malignancies), at bone cancer.

Subalit dahil mahabang proseso ang pagsasagawa ng clinical trials para masuri ang bisa at kaligtasan ng mga potensiyal na gamot, inaabot ito ng maraming taon bago makabuo ng mga epektibong klase ng childhood cancer drugs at treatments.

“You need a lot of computer power to do this and researchers may only be able to access a supercomputer at certain times and, to test each one, they need to run millions of simulations. For researchers, it gives them access to a virtual super-computer which allows them to think big, and for volunteers it invites the general public to play a role in scientific discovery,” dagdag pa ni IBM Corporate Citizenship program manager Juan Hindi.

Hindi rin, aniya, kailangan mag-alala ang mga volunteers na baka makasagabal ito dahil dinisenyo ang app na maging non-intrusive at tatakbo lamang kapag may 90 % charge at wifi connection. Kapag ginamit ng isang user ang kanyang device, titigil ito saglit at awtomatikong babalik sa community grid kapag ‘di muling ginagamit ang device.

Noong 2009, matagumpay na nadiskubre ni Nakagawara ang pito mula sa tatlong milyong compounds at dalawa dito na walang matinding side effects ang napatunayang may positibong epekto kontra sa pagkalat ng neuroblastoma, na isa sa pangunahing klase ng childhood cancer. Sa nasabing eksperimento, may 200,000 volunteers ang nakapagbigay ng kontribusyon sa pamamagitan ng computing processing ng kanilang mga devices.

Ayon sa International Agency for Research on Cancer (IARC), sa pangkalahatan ay may tinatayang 300,000 ng mga bata taun-taon, na mas mababa sa edad na 19 na taon ang nadidiskubreng may cancer at 80,000 dito ay nasasawi bawat taon.

Layon din ng proyekto ang tugunan ang kakulangan sa bagong gamutan at research funding sa childhood cancer. Aniya, tatlong bagong gamot lang ang inilunsad sa loob ng 20 taon, ang kalahati sa chemotherapy treatments naman ay 25 taon nang ginagamit, at apat na porsyento ng research budget lang ang inilalaan ng National Cancer Institute sa mga childhood cancer studies.

‘Time & Space: Instruments Gather Beyond,’ a combination of traditions and modernism

Ni Jovelyn M. Javier

Walang humpay ang paghahandog ng Japan Foundation ng mga kahanga-hangang inspirational culture-art performances para dalhin ang tradisyon ng Japan sa mga Pilipino. At kamakailan, idinaos ang kakaibang kumbinasyon ng maindayog at nagtutugmang tunog ng tradisyonal na instrumentong Japanese at Filipino na isinama sa modernong DJ music at may kasabay na live painting, na pinamagatang “Time & Space: Instruments Gather Beyond” na ginanap sa TIU Theater sa Makati.

Binuksan ang programa ng HPN3 o Hapon 3, isang Japanese comedic group, at sinundan ng traditional Japanese music mula kina Yasuyoshi Ohagi sa Shakuhachi (Japanese bamboo flute) at Yu Miyoshi sa Koto (traditional Japanese harp) sa pagtatanghal ng “Shika no Tône” (1999/ Tadashi Tajima), “Rokudan no Shirabe” (17th century /Yatsuhashi Kengyo), “Chidori no Kyoku” (1855/Yoshizawa Kengyo) at “Ichikotsu” (1966/Yamamoto Hozan).  

 

Nagpakitang-gilas din ang tradisyonal na musikang Pinoy mula sa University of the Philippines (UP) Tugtugang Musika Asyatika (TUGMA) sa pagtatanghal ng “Luntang” (Maguindanao xylophone), “Tagunggo with Sagayan” (rhythmic mode used as accompaniment for dance rituals like Sagayan), “Sinulog a Bagu with Pangalay” (played on Kulintang with traditional “fingernail” dance of  the Tausūg people, a rhythmic mode played with emotions such as mournfulness at “Tidtu Ex with Silat.” (Maguindanao Kulintang genre played with indigenous martial arts).

 

Biglang nag-fast forward naman sa moderno sa underground JAPINOIZ (Japanese + Pinoy + Noise) sound ng half-Japanese, half-Filipino turntablist/remixer at beat maker na si DJ ReiZ sa kanyang multiple elements mix na pinamagatang “Tōryanse Three Islands version.” Ang Tōryanse ay tradisyonal na Japanese children’s song na naririnig din sa kalye bilang hudyat na maaari nang tumawid. 

 

Sa ikaapat na bahagi ng pagtatanghal, nagsama naman ang moderno at tradisyonal na Japanese music sa pagtugtog ng “Haru no Umi” (Spring Sea) Latin version, “Playground,” “Josho no Kanata,” at “Soran Scherzo” mula kina Yasuyoshi Ohagi (Shakuhachi) at Tinsel Tone – Yu Miyoshi (Koto), Mariko Obata (flute) at Naoko Sakanaka (piano).

 

At sa huling bahagi ang “Beyond Time & Space” kung saan nagsama-sama na ang lahat ng mga nagsipagtanghal at bilang kulminasyon ang pagtugtog nila ng “Shima-uta,” na isang musical genre mula sa Amami Islands, Kagoshima prefecture.

 

The performers

 

Nag-umpisang tumugtog ng Shakuhachi si Ohagi noong estudyante ito sa unibersidad at nanalo sa mga kumpetisyon sa Shikoku. Inimbitahan siya ng University of the Philippines – Diliman noong 2015 para sa isang workshop at konsiyerto ng Shakuhachi at Koto. Ngayon, gumagawa na rin siya ng Shakuhachi at nagtuturo sa kanyang studio sa Ehime prefecture.

 

Isang music instrumental group naman ang Tinsel Tone na binubuo nina Miyoshi, Obata at Sakanaka na matagal nang aktibo sa maraming pang-kulturang pagtatanghal ng Japan gaya na lang sa Cultural Center of the Philippines (CCP), Rizal Park Concert, Solaire Resort and Casino, Edsa Shangri-La Hotel at Makati Shangri-La Hotel.

 

“The underground is where new sounds are born, regardless of what generation we are in. Even the simplest, most mundane noise can have unlimited potential to be something more. Mixing multiple elements to create a single cohesive sound.” Ito naman ang istilo ni DJ REiZ sa kanyang pinaghalong Japanese at Filipino DJ music.

 

Isang organisasyon ng student-performers ng UP College of Music – Diliman ang UP TUGMA na layon ang magkaroon ng malawak na kamalayan at pang-unawa ang mga manonood sa Filipino at Asian traditional music.

 

Tubong Hokkaido naman ang visual artist/live painter na si Atsuko Yamagata na madalas nakikipag-kolaborasyon sa mga Filipino at Japanese musicians at dancers.

 

 

Challenergy: Harnessing the power of typhoons to transform Japan’s energy to wind power

“Challenge Energy.”  Nagmula sa dalawang salitang  na ito ang pangalan ng Challenergy Inc., na pinamumunuan ni Atsushi Shimizu, isang Tokyo-based engineer na layong baguhin ang kasalukuyang kalakaran sa produksyon ng enerhiya sa Japan, na matinding nakasalalay simula pa 1973 sa nuclear energy bago ang Fukushima Daiichi nuclear disaster noong 2011.

Ayon sa World Nuclear Association, kinakailangan ng Japan ang 84 porsyentong importasyon ng pangangailangan nito sa enerhiya. Sa kasalukuyan, may 42 reactors ang may potensiyal na ibalik sa operasyon, 24 ay nasa proseso na kung saan dalawa dito ay naibalik nitong 2015.

Mobilizing nature’s raw force

“Our generation reaped the benefits of nuclear power -- we never experience a power blackout because of it. Now we are responsible for changing the future. The energy from one typhoon could power Japan for 50 years,” ang pahayag ni Shimizu sa panayam ng CNN.

Sa kabila ng matinding pinsalang idinudulot ng mga bagyo sa mga island countries gaya ng Japan at Pilipinas, naniniwala si Shimizu na mapapakinabangan ang makapangyarihang pwersa ng kalikasan para makagawa ng sustainable energy, ang wind-generated power sa pamamagitan ng typhoon turbine.

Nagbitiw si Shimizu sa kanyang trabaho dahil sa ideyang ito para mailunsad ang venture company na Challenergy (2014). Noong 2011, sinimulan niya ang pagbuo nito na kalauna’y ginawaran ng first prize sa Tech Plan Grand Prix 2014. Dito siya napansin ni Keiichi Hamano, presidente ng Hamano Products Co., na nagpaunlak sa kanyang gamitin ang creative workshop ng kumpanya.  

Sa tulong ng crowdfunding at New Energy and Industrial Technology Development Organization (NEDO – government research group supporting entrepreneurs), nabuo ni Shimizu ang world’s first typhoon turbine, ang Magnus VAWT (vertical axis wind turbine).

Ang Magnus VAWT ay isang propeller-free, bladeless egg-shaped wind turbine na may tatlong cylinders at central rod. Dahil sa omni-directional vertical axis nito ay kaya nitong rumesponde sa hangin mula sa iba’t ibang direksyon. Gumagamit din ito ng Magnus effect (a force utilized on rapidly spinning objects – swerving of balls in baseball/soccer) kaya’t nakokontrol ang bilis ng pag-ikot nito at maiwasan ang over-rotation na maaaring makasira sa generator.

In a forward direction

Nakapagtala ng 300 megawatts-increase ang wind energy nitong 2016 (Japan Wind Power Association) ngunit dahil sa irregular wind patterns at maburol na kalupaan ay maliit lang ang ambag nito sa produksyon ng kabuuang enerhiya.

Positibo naman ang paningin ng Challenergy sa hamon na ito, at noong 2015 ay nakapagtala ng 30 % efficiency ito kontra sa 40% ng propeller-based wind turbines na ‘di pwedeng gamitin tuwing may bagyo.Nariyan din ang positibong resulta ng field test ng 1-kilowatt/3-meter diameter turbine na inilagay sa Nanjo City, Okinawa noong Hulyo 2016.

Layon ng kumpanya ang komersyalisasyon ng 10kw capacity para sa Magnus VAWT sa 2020 para sa hosting ng Tokyo sa Olympics.

“Wind generation will definitely become my lifelong pursuit. I’m thinking of placing them where typhoons hit hardest – the Philippines, another island country that experiences many typhoons a year like Japan, is suitable for large-scale wind-power generation. I see today’s hazard maps—showing where typhoons, hurricanes, or cyclones may strike as energy maps that could help support a storm-hydrogen-based society 10 years from now,” ang pagsasalarawan ni Shimizu sa panayam ng Redshift.

Bring out the thrill-seeker in you at the Narvacan Outdoor Adventure Hub

Kuha mula sa NOAH Official Facebook page

Kilala ang Ilocos Sur sa pagiging heritage site nito na hinirang pa sa New7Wonder Cities. Sa kabila ng modernisasyon ay napapanatili ang tradisyonal na kultura sa kapaligiran nito. Marahil sa maraming taga-siyudad, Vigan lamang ang madalas na naririnig ngunit higit pa sa Spanish colonial architectures, bagnet, at longganisa – may ibubuga pala ang bayan ng Ilocos Sur sa extreme sports at outdoor adventure sa pamamagitan ng Narvacan Outdoor Adventure Hub (NOAH).

Isang malaking kapatagan ang Narvacan na pinapaligiran ng mga bulubundukin at malapit sa West Philippine Sea. Isa rin ito sa pinakaunang sentro ng kalakalan sa North Luzon na nadiskubre noon ni Spanish navigator Juan de Salcedo.

Extreme sports hub of the Philippines

Taong 2012, mula sa ecotourism development sa pangunguna ni Mayor Zuriel Zaragoza ay ginawa itong bagong sentro ng adventure tourism dahil sa kagila-gilalas na Bantay Abot na may taas na 1,000 talampakan at tatak nito ang malaking butas mula sa taas ng bundok.

Pinangalanan niya ang adventure camp na Narvacan Outdoor Adventure (NOAH) at nagsimula sa paglulunsad ng mahigit 500 metrong zipline na may bilis na 40/kph o 50 segundo sa parehas na taon. Mabilis nitong nakuha ang atensyon ng mga adrenaline junkies sa loob at labas ng bansa, at noong 2015 ay idinaos ang 3-day Fiesta Del Mar (Festival of the Seas) kung saan nagkaroon ng kumpetisyon sa beach volleyball, soccer, paragliding at bikathon.

“We want the world to know that there’s more to experience in Ilocos Sur apart from cultural tourism—and that is through Narvacan’s new ecotourism and extreme adventure site,” ang pahayag ni Zaragoza.

Ngayon, ang Bantay Abot ang nagsisilbing take-off point para sa paragliding event at mamamalas mula sa ere ang “only in the Philippines” na tanawin ng Narvacan coastline, mga burol at palayan ng buong Ilocos Sur.

Ayon kay Randell Buko Raymundo, NOAH paragliding consultant/ air sports specialist – Air Sports Adventure Philippines (ASAP), pinapayagan lamang mag-paraglide kapag nasa 10-20/kph ang hangin para ‘di gaanong malakas o mahina para makatagal sa ere. Dagdag pa nito, ‘di kailangang sobrang taas ng launch pad at pwede na ang 10-15ft (from the ground).

Paborito rin ang Via Ferrata (Iron Road) na isang 300-meter vertical climb (rock climbing, trail walking, surveying) sa mababatong burol ng Narvacan. May harness at steel cables na nakasuporta para maakyat ito hanggang taas at bababa naman sa paraan ng pag-zipline o rappelling.

Perfect fusion of elements

Ayon kay Jose Cuerdo, business development manager – NOAH, sinisimbolo ng mga outdoor activities ng NOAH ang kumbinasyon ng apat sa classical elements – earth (mountain, hills), wind (ocean breeze), fire (engine from all-terrain vehicles), at water (windsailing).

Mayroon din parasailing, downhill bike circuit, all-terrain vehicles (AVT) race track sa Narvacan sand dunes, 4x4 tour, hobie cat (with pilot/sailing intro), kite surfing, kayaking, at windsurfing. Nagsisimula ang rates sa Php800 – 2,500. 

10 restaurants mula Japan at PH, pasok sa Asia’s 50 Best Restaurants

Ni Florenda Corpuz

Napanatili ng Gallery Vask in ang titulong “The Best Restaurant in the Philippines.” 

(Kuha mula sa Asia’s 50 Best Restaurants 2017, sponsored by S.Pellegrino & Acqua Panna)

Inanunsyo na ang Asia’s 50 Best Restaurants 2017 na inisponsoran ng S.Pellegrino & Acqua Panna kung saan kabilang ang 10 restaurants mula sa Japan at Pilipinas sa isang awards ceremony na ginanap sa W Hotel sa Bangkok, Thailand kamakailan.

Siyam dito ang mula sa Japan: Ang Tokyo-based Narisawa na nasa ika-anim na pwesto at nananatiling best Japanese restaurant sa limang magkakasunod na taon; Nihonryori RyuGin sa ika-pitong pwesto, Den sa ika-11, L’Effervescence sa ika-12, Florilège sa ika-14, Quintessence sa ika-18, Sushi Saito sa ika-26, Hajime sa ika-34 at Takazawa sa ika-50.

Nakapasok din ang Gallery Vask sa Maynila sa ika-35 na pwesto at napanatili ang “The Best Restaurant in the Philippines” na titulo.

Itinanghal na Asia’s Best Pastry Chef si Kazutoshi Narita na pinaghusay ang galing sa mga restaurants ng Joël Robuchon sa New York, Las Vegas at Tokyo. Sa kabubukas pa lamang na Esquisse at Esquisse Cinq sa Tokyo, pinagsama niya ang “delicate artistry of Japanese cuisine with the nuances and creative flair of French pâtisserie.”

Napanalunan naman ng Den, Tokyo ang kauna-unahang Art of Hospitality Award Asia.

“Rising 26 places to No.11, Den delights in surprising and entertaining its guests, making it a worthy recipient of the inaugural Art of Hospitality Award in Asia. The approach is playful, personable and inventive, reflecting the personality of Den’s chef-owner, Zaiyu Hasegawa,” pahayag ng mga organizers ng Asia’s 50 Best Restaurants.

           

Ang listahan ay ginawa mula sa mga boto ng Asia’s 50 Best Restaurants Academy, isang maimpluwensiyang grupo na kinabibilangan ng may mahigit sa 300 lider sa restaurant industry sa Asya. Ang panel sa bawat rehiyon ay binubuo ng mga food writers at critics, chefs, restaurateurs at nirerespetong ‘gastronomes’.

10,000 Roses Café, bagong atraksyon sa Cordova, Cebu

May bagong paboritong destinasyon na dinudumog ng mga tao ngayon na matatagpuan sa Cordova Tourism Center sa Barangay Day-as sa munisipalidad ng Cordova, Lapu-Lapu City, dahil sa kakaibang atraksyon nito, ito ang 10,000 Roses Café na ipinasilip sa publiko nitong Pebrero at nag-grand opening ngayong Marso lamang.

Kung namamangha ka sa mga naggagandahang winter illuminations sa Japan at South Korea, ngayon may sariling bersyon na rin ang Cebu sa 10,000 Roses Café kung saan makikita ang 10,000 LED roses papunta sa dalawang palapag na café.

May tatlong talampakan ang taas ng mga LED roses at sumasabay sa kumpas ng simoy ng dagat at pinapailawan pagpatak ng alas-sais ng hapon. May roof deck din ang café na magandang pwesto para mapagmasdan ang Cordova mangrove forest at pabago-bagong skyline ng Metro Cebu sa pagpatak ng paglubog ng araw at sa gitna ng kumikinang na LED roses sa iyong paligid.

Tila ay binabati ka naman ng malaking white flower piece na nakalagay sa pader ng café at nakaharap sa 10,000 roses na lalo pang nagpapakinang sa buong lugar.

Symbol of pure love

“My intention was to create a romantic place. The roses are white because it symbolizes purity. A place where they can experience, begin and end their love story,” ang pahayag ni Miguel Cho, may-ari ng café, isang interior designer at stepson ni Cordova Mayor Mary Therese Sitoy-Cho. Siya rin ang nagdisenyo ng mga muwebles ng modern-industrial café.

Aniya, nagmula ang inspirasyon sa sikat na Dongdaenum Design Plaza sa kanyang home country na South Korea kung saan matatagpuan ang 25,000 LED roses na madalas ay naitatampok sa mga Korean dramas.

Kung malaking ngiti ang dala nito sa mga Cebuano, sobrang natutuwa rin si Cho sa malaking suporta na patuloy nitong natatangap.

Plano rin ng designer na maglagay ng bakuran para kagaya sa Paris, South Korea at New York ay magkakaron na rin ang bansa ng romantic pilgrimage kung saan nag-iiwan ng mga love locks bilang testamento ng pagmamahalan.

Endless fields of white blooms

May tatlong kilometro mula sa Lapu Lapu City main road, 45 minute-drive mula sa SM City Cebu at 30 minuto mula sa Mactan International Airport bago masilayan ang garden of roses. Katabi rin ito ng Lantaw Floating Restaurant.

Mula sa SM City Cebu terminal, sumakay ng van papuntang Cordova (Php35 each) at bumaba sa Cordova Grandmall. Mula dito,mag-traysikel (Php10 each) papuntang Lantaw. Pwede rin mag-taxi sa presyong Php250-300 para sa apat na tao.

Pinakamagandang pumunta dito kapag dapit-hapon para tikay na mas kaaya-aya ang karanasan sa 10,000 Roses Café, na isa na naman sa ipinagmamalaki ng Cebu.

Tao Zhu Yin Yuan: A carbon-absorbing residential tower in Taipei

Kuha mula sa Vincent Callebaut Architectures

“The city is like an ecosystem, the centre is like a forest, and the tower is like an inhabited tree.”

Ito ang pahayag ng Vincent Callebaut Architectures patungkol sa disenyo nito ng Tao Zhu Yin Yuan Tower. Nagsimula ang konstruksyon noong 2013 at nakatakdang matapos sa darating na Setyembre at matatagpuan sa Songyong Road, Xinyi district sa Taipei.

Kahanga-hanga ang disenyo ng skyscraper sa kanyang 90-degrees spiral twist style mula sa baba hanggang sa tuktok nito na ayon sa head architect nitong si Vincent Callebaut ay hango sa double helix ng DNA.

Dagdag pa ni Callebaut sa isang panayam ng CNN, ang proyekto ay kumbinasyon ng Western at Oriental na teknolohiya at kultura. Aniya, ang istruktura ng DNA ang pinagmulan ng buhay at sinisimbolo rin ang pagkakaisa at enerhiya, na isa namang repleksyon ng ultimate balance mula sa pilosopiya ng Taiji.

The perfect fusion of landscape, architecture and sustainability  

“The Retreat of Tao Zhu” ang literal na kahulugan ng Tao Zhu Yin Yuan ngunit tinatawag din na Agoda Tower ang residential complex, na mapapalibutan ng 23,000 na puno at halaman mula sa pundasyon, harapan, balkonahe, hanggang sa bubong ng tower at maging sa loob nito.

Makakasipsip ang mga puno ng 130 tonelada ng carbon dioxide emissions bawat taon sa Taipei na katumbas ng tinatayang 27 sasakyan. Ayon sa datos ng International Energy Agency, nakapaglabas ng mahigit sa 250 milyong tonelada ng CO2 ang Taiwan noong 2014. Bagaman hindi nito mareresolba ang smog sa buong Taiwan, magandang hakbang ito para malabanan ang global warming.

May 20 palapag ang tower, 455,694-square-foot structure, dalawang penthouse na may laking 5,920 square feet, indoor pool, fitness center, at garage na may natural lighting at ventilation. Nariyan din ang rooftop solar panels at rainwater recycling sa iba pang katangian nito. At ang bawat unit naman ay mayroong living room, dining room, family room, kitchen, multiple bedrooms (with walk-in closets) at may magandang view ng buong Taipei mula sa kani-kanilang veranda kung saan makikita ang Taipei 101.

Reintegration of nature into the city

“The tower presents a pioneer concept of sustainable residential eco-construction that aims at limiting the ecological footprint of its inhabitants. Outlandish and futuristic as it may seem, the core of all my designs is an attempt to address the real threat that cities pose for humankind and our ecological balance,” ang paglalarawan ni Callebaut.  

Tinatawag ni Callebaut ang sarili bilang isang “archibiotect” o ecological architect na siya mismo ang bumuo. Kumbinasyon ito ng salitang architecture, biotechnologies at information-communication technologies, kung saan kilala ang Vincent Callebaut Architectures.

Dagdag pa ni Callebaut, mahalagang mapagkasundo ang mga tao at ang kapaligiran sa makabagong pilosopiya ng arkitektura para sa mas sustainable at eco-responsible lifestyles ng mga tao sa siyudad. Aniya, hindi ito isang kalakaran kundi isang pangangailangan para matugunan ang climate change.

Iconic Nokia 3310 nagbabalik sa mas makabagong bersyon ngayong taon

Inilunsad kamakailan ang opisyal na pagpapakilala sa mas modernong edisyon ng makasaysayang Nokia 3310 sa taunang Mobile World Congress (MWC) sa Fira de Barcelona, Spain na isang global exhibition ng mga pangunahing manufacturers sa mobile industry.

Agaw-eksena ang pagbabalik ng tinaguriang “greatest phone of all time”  na unang inilunsad noong Setyembre 1, 2000, 17 taon na ang nakakaraan simula nang baguhin ng naturang handset ang mobile phone industry.  Nakabenta ang 12^th bestselling phone model in history ng mahigit sa 126 milyon na units sa halagang £129.99 hanggang sa naging phased-out nito noong 2005.

Una itong mabibili sa United Kingdom ngunit wala pang siguradong petsa bagaman may mga balitang lalabas ito sa Mayo.

A modern classic reimagined  

Ipinasilip din ang bagong Android at HD screen, aluminum-designed smartphones – Nokia 6 (5.5-inch screen, Dolby Atmos, double speakers), Nokia 5 (5.2-inch screen, octa-core Qualcomm Snapdragon 430 processor) at Nokia 3 (5.0-inch screen, 8MP wide aperture cameras) na may presyong mula €139 to €299.

“Our new Android Nokia smartphone portfolio, together with the return of the iconic Nokia 3310, is a real statement of our ambition and commitment to honoring the hallmarks of a true Nokia phone experience,” pahayag ni Pekka Rantala, Chief Marketing Officer ng Nokia’s exclusive licensee HMD Global.

Maliban sa €49 selling price at bagong disenyo, mas magaan at mas matibay na rin ito at siyempre may bagong bersyon ng paboritong Snake game. Nariyan din ang large color display, month-long standby time, 2MP rear camera with LED flash, micro-USB port, 2.4-inch curved window (with polarized layer for better readability in sunlight), headphone jack, dual-sim, 2G connectivity, all-new user interface, 22 hours talk time, 16MB storage, MicroSD slot, FM radio, at MP3 player.

Apat na kulay ang pagpipilian, ang gloss finish na warm red at yellow at matte finish na dark blue at grey.

The icon is back

“The latent nostalgia for the 3310 is backed up by a practical functionality which makes it the perfect device for a wide variety of people. As an affordable and robust product, with a legendary battery life, we are expecting many customers to see this as the ideal secondary handset, and perfectly suited to moments like festivals and travelling, where reliable simplicity is at a premium.” - Andrew Wilson, UK Buying Director – Mobile at Carphone Warehouse. 

Dagdag pa nito, nakakamangha ang pre-registration levels ng handset na 10 beses na mas marami sa anumang devices na inilunsad sa MWC na naibenta ng retailer.

Pumangalawa rin ang Nokia 3310 sa dami ng mobile-related online search ayon sa Hitwise. At ayon pa sa eBay UK, halos 5,000 units ng unang Nokia 3310 ang naibenta na sa website sa nakaraang tatlong buwan.

Humina man sa developed economies, nananatili ang kasikatan nito sa rising markets dahil sa user-friendly/competitively-priced feature phones.

Iniisip ngayon kung bubuksan ba ng HMD ang back catalogue ng marami pang kilalang Nokia feature phones para i-relaunch sa mga susunod na taon.  

‘Banyuhay’: Buwan ng Panitikan ng Filipinas ipagdiriwang sa buong Abril

Aiza Seguerra, Virgilio Almario, Katarina Rodriguez

Pinamagatang “Banyuhay” ang tema ng ikatlong edisyon ng pagdiriwang ng Buwan ng Panitikan ng Filipinas (National Literature Month) na nakatakdang simulan sa bansa mula Marso 31 hanggang Abril 29, at pinangungunahan ng National Commission for Culture and the Arts (NCCA), kasama ang Komisyon sa Wikang Filipino (KWF) at National Book Development Board (NBDB). 

Ang salitang Banyuhay ay tumutukoy sa isang malaking pagbabagong-anyo ng isang tao o bagay. Sa Ingles, maihahalintulad ito sa kahulugan ng “transformation” o “metamorphosis.” 

Akmang-akma ang temang ito para mabigyang-diin ang kahalagahan ng tungkulin ng literatura sa iba’t ibang aspeto sa lipunan – “literature, a creative endeavor, is also a vital instrument in political and social institutions to help citizens evaluate and implement right and necessary changes – a force that shapes life and everyday living.”

Championing the arts

Ngayong taon, napiling kinatawan si award-winning singer-songwriter Aiza Seguerra, na kasalukuyan ay chairperson din ng National Youth Council (NYC) para sa promosyon at aktibidades ng pagdiriwang.

Nagtapos ng kursong Fine Arts and Design mula sa Univesity of Santo Tomas (UST), may kasanayan si Seguerra tungkol sa sining maliban sa kanyang estado bilang nirerespetong mang-aawit at kompositor sa industriya ng musika.

Hinihikayat niya ang mga kabataan na ihayag ang kanilang sarili at mga saloobin sa kahit anong aspeto ng sining, lalo na sa pamamagitan ng pagsusulat. Dagdag pa nito, ang pagiging totoo ang sarili ay isang malaking ehemplo ng tunay na kalayaan.

“The NCCA is doing this endeavor not only to pay tribute to our country’s literary giants but to try shifting the consciousness of the young generation towards these ‘heroes’ who are worth immortalizing through monuments and literary reorientations,” ang pagbabahagi naman ni NCCA Chairman Virgilio Almario sa ginanap sa press conference kamakailan.

A feast of arts, literature and culture

Makikita sa Performatura Festival – “Sa Loob at Labas ng Bayan Kong Sawi” (quote from Florante at Laura) / Marso 31 – Abril 2  na gaganapin sa Cultural Center of the Philippines (CCP) at Liwasang Balagtas, Pandacan, Maynila ang oral literature performance, film showing, pagbabasa ng tula, teatro, mini book fair, cosplay contest, Balagtas marathon readings. Bukas at libre ito sa publiko, kailangan lang magdala ng libro (entry pass) bilang donasyon sa Aklatang Bayan.

Tinaguriang Francisco “Balagtas” Baltazar Day naman ang Abril 2 bilang pagpupugay sa ika-229 na kapanganakan ng makatang Filipino, gayon din ang komemorasyon ng iba pang literary artists – Emilio Jacinto, Paciano Rizal, Nick Joaquin, Bienvenido Lumbera, at Edith Tiempo.

Nakatakda naman sa Abril 27 at 28 ang 8th Philippine International Literary Festival at panghuli ang National Writers Congress – “Ang Panitikan sa Panahon ng Tokhang” ng Unyon ng mga Manunulat sa Pilipinas (UMPIL) sa Brother Andrew Gonzalez Building, De La Salle University Taft. 

Animated film ‘Koe no Katachi’ wanders through the intricacies of human connections

Anim sa top 10 highest-grossing Japanese films ng 2016 ay mga animated films at isa rito ang critically-acclaimed na “Koe no Katachi” (A Silent Voice: The Movie) ng Kyoto Animation sa direksyon ni Naoko Yamada, na film adaptation ng award-winning manga ni Yoshitoki Ōima at tumabo sa takilya na nasa ¥2.3 bilyon sa Japan box office.

Mula rin ito kay Reiko Yoshida (script), Futoshi Nishiya (character design) at Kensuke Ushio (music) at mula sa distribusyon ng Shochiku. Theme song naman nito ang “Ai wo Shita no wa” (Loving Is) ni AIKO.

Powerful and emotional

Sentro ng kwento sina Shōya Ishida (Miyu Irino) at deaf transfer student Shōko Nishimiya (Saori Hayami) na nagkakilala sa elementarya. Dahil sa pagkakaiba ni Shōko, ‘nanguna sa pangungutya si Shōya at mga kaibigan nito hanggang sa umabot sa paglipat ni Shōko ng eskwelahan.

Biglang nagbago ang kapalaran nang tinalikuran si Shōya ng mga kaibigan at sa kanya nabaling ang pang-aapi ng mga ito. Naging ilang siya sa mga tao at nagpasyang walang kwenta ang pagkakaroon ng mga kaibigan hanggang sa muli silang magkita ni Shōko.

Tinatalakay nito ang ilang sensitibo at napapanahong paksa – self-worth, suicide, bullying, guilt, relationships, disabilities, communication, at isolation, coming-of-age, na isang matapang na tema para sa isang animated feature film.

Sa kwento nina Shōya at Shōko, mabibilang ang mga pagkakataon sa buhay na may makikilala kang tao na magpapadiskubre sa’yo ng mga bagong bahagi ng pagkatao mo, bagong pananaw, at bagong karanasan.   

Ano nga ba ang kinakailangan para tatangapin ka ng mundong ‘di ka naririnig at paano mo matutubos ang iyong sarili mula sa isang malaking pagkakamali?

The onset of new animation generation

Pinarangalan ito bilang Excellent Animation of the Year sa 40^th Japan Academy Prize at Anime of the Year (Film Category) sa Tokyo Anime Award Festival.

Ngayon, sa labas naman ng Japan ito mamamayagpag dahil ipapalabas na ito sa United Kingdom mula sa Anime Limited simula Marso 15 bagaman nauna na siyang ipinalabas sa Scotland Loves Anime Film Festival noong Oktubre at nitong Pebrero sa London ICA.

Susunod ang Taiwan (Marso 24), Australia at Hong Kong (Abril 6), at New Zealand (Abril 16).

Nakuha naman ito ng Viz Media Europe para sa European Union, Russia, Turkey, at French-speaking African countries at sa Pilipinas ng Pioneer Films ngunit wala pang opening dates.

Sa 30 bansa ito nakatakdang ipalabas kabilang ang mga nabanggit, gayon din sa Singapore, Malaysia at Brunei ayon sa official website nito.