Personal Finance 101: Tatlong bagay na dapat gawin kapag nasa edad 40 ka na

Ni MJ Gonzales

Ang sabi nila “life begins at 40” pero kung pakiramdam mo ay walang-wala ka ay baka masabi mong “life is miserable at 40” pala. Kung ikaw man ay papunta rito o nasa ganitong edad ay dapat mong alalahanin na nasa punto ka ng iyong buhay na dapat naaayos na ang iyong pananalapi.

Hindi naman kailangang matakot bagkus ay maging inspirado para doblehin ang pagkayod at pagsisipag. Kung iisipin din naman ay masasabing isang pagpapala ang umabot sa 40 taon sa mundo na may malusog na katawan, may makulay na mga karanasan, at malawak na pang-unawa.  

Mayroon kang 20 taon na paghahanda para sa iyong pagreretiro

 Kung mayroon kang pondo para sa iyong retirement ay mainam na analisahin mo kung sasapat ba ito at kung paano mo pa mapapalago. Alam mo ba ang 20/20 retirement rule?  Tandaan na may 20  taon ka pa para ipunin ito kung balak mong magretiro sa edad na 60. Kung sa tingin mo ay kakayanin mo pang  magtrabaho hanggang 65 o 70, gaano naman kaya kalusog pa ang iyong pangangatawan?

Kung nais mong maging maginhawa ang iyong buhay nang higit sa 20 taon matapos kang magretiro, dapat din ay sasapat sa 20 o higit pang taon ang iyong maiipon na pondo.  Hindi mo rin naman siguro gusto na para lamang sa gamot at pagkain ang iyong mga ipon, ‘di ba? Maaaring gusto mo rin bumisita sa iba’t ibang lugar o gawin ang mga hilig mo na hindi mo pa nagawa noong bata ka pa.

Nasa edad ka na sagana sa lakas, kasanayan, at karanasan

 Sa Pilipinas ang laking isyu ang edad lalo na kung nasa 30 o 40 na.  Subalit kung iisipin ay ito ang magandang edad dahil sa mas matibay na kasanayan at karanasan ng tao sa kani-kanilang larangan. 

Ayon sa Organization for Economic Cooperation and Development (OECD), ang maituturing na nasa kanilang “prime working lives” ay iyong nasa edad 25-54 taon.  Sa tala ng OECD, ang employment rate sa age group na ito noong huling bahagi ng 2016 ay mataas sa Italy (68.9 percent), USA (78.2 percent), France (79.6 percent), Canada (81.5 percent), United Kingdom (83.1 percent), Japan (83.7 percent), at Germany (84.2 percent).

Marahil dahil na rin sa mas may kumpiyansa na sa sarili kaya maraming matatagumpay na tao ngayon ang naglakas-loob sa kanilang karera pag-abot ng 40. Isang halimbawa na rito si Stan Lee na lumikha ng istorya ng “Fantastic Four,” “Spiderman,” at “Iron Man.”  Nagsimula lamang niyang gawin ang kanyang mga komiks noong siya ay nasa 39 na.  Si Vera Wang naman, na isang journalist noon at ngayon ay sikat na fashion designer, ay sinimulan ang kanyang karera sa fashion industry noong siya ay nasa 40-taong-gulang na.

Samantala, hindi mo rin dapat kaligtaan na alagaan ang iyong kalusugan at protektahan ang iyong ipon. Magagawa mo ang huli kung mayroon kang emergency fund, health insurance, at health maintenance organization (HMO).

Alam mo na kung alin ang tama para sa iyo

 Kapag bata ka pa, pwedeng may takot o lakas ka ng loob na subukan ang mga bagay-bagay.  Madalas ay kinukunsidera mong oportunidad ang mga alok na hindi mo naman pala talaga gusto at walang saysay.

Kapag nasa 40 ka na, ang desisyon mo ay nakabase na sa tingin mong tama at tugma sa iyo. Ito ay dahil mas kilala mo na ang iyong sarili, ang iyong prayoridad sa buhay, at layunin sa hinaharap.  Alam mo na rin ang ibig mong sabihin kung bakit dapat tanggihan o tanggapin ang isang bagay.

Digital footprint matters: Make your social media sites, digital portfolio free from negativity

Ni MJ Gonzales

Maraming rason kung bakit napakahalaga na mayroong social media accounts, sariling website, o sa kabuuan ay online presence ang isang negosyo.  Isang mabigat na dahilan dito ay halos lahat, lalo na iyong may “buying power,” ay naka-online nang matagal araw-araw.

  

Dagdag na rin dito ay mas makakamura sa promosyon, mabilis na transaksyon, at madaling makakaakit ng potensyal na mamumuhunan o kliyente. Kaya naman napakahalaga ng pagkakaroon ng “digital portfolio” at magandang “digital footprint.”

Ang “digital portfolio” ay isang pormal na termino sa paglalathala sa internet tungkol sa iyong credentials. Kasama rito ang pagpapatalastas ng iyong mga produkto, serbisyo, at magagandang testimonya tungkol sa iyo. Ang iyong digital portfolio ay maaaring nasa social media sites gaya ng LinkedIn at sarili mong website na ang uniform resource locator (URL) o iyong address mo sa Internet ay nakapangalan sa iyo.

Samantala, ang “digital footprint” ay may kinalaman sa iyong iniwang bakas sa mga websites na iyong pinupuntahan kabilang ang iyong update sa Facebook, tweet sa Twitter, photo sa Instagram o Pinterest, binabasang website, at kini-click na ads o videos. Kasama rin dito ang iyong komento sa mga online forums, blog sites, video Youtube, at iba pa. 

How your digital footprints affect your career, business?

Araw-araw nakakakita tayo ng reklamo o rant post sa Facebook na maaaring may kinalaman sa traffic, pulitika, showbiz, at lalo na sa personal na problema. Kung gusto mo talagang magkaroon at mapanatili ang magandang propesyonal na imahe sa internet ay iiwas ka hanggang maaari sa mga negative posts.

Halimbawa na isa kang online seller at may nag-order sa iyo na biglang umatras.   Sa totoo lang nakakainis ito  kapag nagpagod at  may nagastos ka para sa inyong transaksyon. Kung ipo-post mo ang reklamo mo sa nasabing customer sa iyong Facebook, pwedeng mauunawaan ito ng iyong mga kaibigan pero hindi lahat. Tandaan na ang iyong opinyon, gaano man ito katotoo at may saysay, ay balewala sa mga taong wala namang paki sa isyu o personal mong buhay.   

Nakakasama pa ang ganitong posts kung naka-public ang setting ng iyong social media accounts. Hindi lamang potensyal na kliyente ang magdadalawang-isip na makipagtransaksyon sa iyo kundi  maging suppliers at iba pang investors.

Dapat na isipin na bago pa nila tangkilikin ang iyong produkto o serbisyo ay tinitingan din ng mga mamimili kung sino ang nagbebenta. Ang uso rin ngayon ay nagse-search muna sila online bago bumili sa physical stores.

Steps to build good digital portfolio and online presence

 I-check ang privacy setting ng iyong social media accounts. Kung mahilig ka na mag-post nang kung anu-ano, mabuting  maging maingat sa  privacy setting ng iyong social media accounts.  Gawin mong public ang mga positive updates na may kinalaman lamang sa iyong business o career.

Gumawa ng hiwalay na social media accounts at website para sa iyong negosyo.   Mahirap din naman ang naka-private setting dahil babagal at hihirap ang pagpapatalastas ng iyong produkto at serbisyo. Kaya naman mainam na gumawa ng hiwalay na accounts para sa iyong negosyo at personal na gamit.  Tandaan din na maikli lamang ang pasensya ng mga mambabasa sa Internet para galugarin ang mga impormasyon tungkol sa iyo.

Maging maingat at mapanuri sa iyong mga ipo-post.  Hindi naman lahat ng negatibong karanasan ay hindi mo na mailalabas. Maaari mo pa nga itong maging inspirayon para makagawa ng malikhaing posts na makatutulong pa sa iyong negosyo.

Kung babalikan natin ang halimbawa sa itaas,  pwedeng  maglathala ka ng bagong patakaran sa pag-order at idahilan ang nangyari sa maayos na paraan. Gayon din, maglathala ka ng mga artikulo na gaya ng “Tips para makabili nang mabilis at tamang produko para sa iyo.”

Pilipinas at Japan magtutulungan para isulong ang pamumuhunan sa bansa

Nilagdaan nina Trade Undersecretary and BOI Managing Head Ceferino 

Rodolfo (kaliwa) at Mizuho Bank, Ltd. Chief Executive Officer /Joint Head of Asia 

Oceania Masaki Seki (kanan) ang MOU para sa pagsulong ng pamumuhunan sa Pilipinas.

 Kasama nila (mula kaliwa) sina BOI International Investments Promotion Service 

Director Angelica M. Cayas, DTI Assistant Secretary for Industry Development Rafaelita M. Aldaba,

 Mizuho Corporate Bank, Ltd. Manila Branch General Manager Tsutomu Yamamoto, 

at Mizuho Corporate Bank Ltd. Manila Branch Joint General Manager Atsuya Kono.

Lumagda ng Memoramdum of Understanding (MOU) ang Pilipinas at Japan na may layuning palakasin ang kooperasyon ng dalawang bansa sa negosyo sa pagsulong ng pamumuhunan sa bansa.

Nilagdaan ang MOU sa pagitan ng Department of Trade and Industry (DTI) sa pamamagitan ng industry development at investments promotion arm nito na Philippine Board of Investments (BOI) at Mizuho Bank, Ltd., ang integrated retail at corporate banking unit ng Mizuho Financial group at isa sa pinakamalaking financial services companies sa Japan.

Pinangunahan nina Trade Undersecretary and BOI Managing Head Ceferino Rodolfo at Mizuho Bank, Ltd. Chief Executive Officer/Joint Head of Asia Oceania Masaki Seki ang paglalagda na ginanap kamakailan.

“We have all of the elements in the industrial cooperation that is why we are excited on the collaboration. We can also learn from your global expertise particularly on the project finance and industrial research. As we are in the golden age of economic relationship with Japan, we hope that our partnership will attract more Japanese investors to do business in the country,” pahayag ni Rodolfo.

Ang Mizuho ang unang pribadong kumpanya kung saan nakikipagtulungan ang BOI sa mga investment promotion activities nito.

“This MOU is not only a milestone, but also a commitment for us to make the economic ties of Japan and Philippines stronger by helping your country attain further socio economic growth. We will be delighted to promote your country and bring in more Japanese investments that would be beneficial not only for the large companies and more so for the small and medium enterprises in the Philippines,” sabi ni Seki.

Magtatatag ang MOU ng “mutually beneficial cooperation to promote investment opportunities, exchange information on the guidelines in doing business and industry information, and other joint efforts that will foster economic and industrial linkages between investors and corporations.”

Ang Japan ay isa sa mga nangungunang namumuhunan sa Pilipinas na nagbukas ng trabaho para sa mga Pilipino. Mahigit 1,400 na kumpanyang Hapon ang pumasok sa merkado ng Pilipinas at inaasahang tataas pa.

Ayon sa datos ng Philippine Statistics Authority (PSA), ang Japan ang pang-apat sa nangungunang foreign investing countries sa Pilipinas na may Php27.06 bilyon na halaga ng pamumuhunan noong taong 2016.

Paolo Onesa releases ‘Atin Ang Gabi’ MV shot in Coron

Isa si Paolo Onesa sa mga alumnus ng The Voice of the Philippines na patuloy na namamayagpag ang karera. Matapos maging finalist sa season one ng The Voice ay agad na nagkaroon ng debut album ang 23-taong-gulang na singer na pinamagatang “Pop Goes Standards.”

Ngayon, pagkaraang pumirma sa Homeworkz Music na recording label ng pamosong RnB singer na si JayR, naglabas muli si Paolo ng ikalawang album, “Handwritten,” na naglalaman ng siyam na kanta.

Isa na rito ay ang kanyang single na “Atin ang Gabi” kung saan ay nailabas na ang music video kamakailan na kinuhanan sa Coron, Palawan.

“‘Atin Ang Gabi’ is a song about spending sweet moments with the one you love. It's sort of like a love letter for someone. It's a song about being a gentleman for the lady you love and making her feel special through those little things that we take for granted,” pahayag ni Paolo.

Dagdag pa ng gwapong singer mula sa Zamboanga City, isinulat niya ang kanta na iniisip na sulitin ang oras sa dalampasigan kaya naman masayang-masaya siya na kinuhanan ang kanyang music video sa napakagandang isla ng Coron.

“Mainly I wrote the lyrics of this song talking about spending moments on the ‘dalampasigan’ (ocean shore). I just want the people watching this to be part of like a journey of me exploring and promoting of how beautiful the island of Coron is,” aniya.

“Just being in Coron, looking at the sites, at the mountains, spending time on the beach, pool and there was even a nighttime bonfire in Sophia’s Garden where we stayed. I just feel overall blessed and grateful for my whole experience and stay in Coron, Palawan,” giit pa ng singer.

Ang Atin ang Gabi ang kaisa-isang Tagalog na kanta na nakapaloob sa album kaya naming aminado si Paolo na isa ito sa kanyang mga paborito sa kanyang bagong album. Kasama rin sa kanyang all-original album ang “Find You,” “Take You Down,” “Friday Habits,” “Coffee,” “LDR,” “Lost Without You,” at “The Break Up Song.”

“It is the only Tagalog song from my sophomore album and it’s one of my favorites. This song took me the longest to write and produce because I really want it to be something special for the people who support me, my followers, family and friends.”

Nagpapasalamat si Paolo na nagawa niya ng maayos ang music video sa Coron at tila hindi umano siya nagtatrabaho habang ginagawa ang music video.

“Well first of, we shot all the scenes of the entire video in just one day. So I guess, that was the most challenging thing. Luckily, I had such an awesome team with me all throughout the shoot. Everyone involved was just really working hard and really focused in making this video the best work we could do. And by saying that, we also had so much fun in doing so,” aniya.

Godzilla babalik sa Tokyo kasama ang live orchestra

Ni Florenda Corpuz

Kuha mula sa TM&©TOHO CO., LTD.

Nakatakdang ipalabas ang digitally restored version ng orihinal na 1954 na black-and-white film na “Godzilla” na idinirehe ni Ishiro Honda sa Oktubre 31 sa Tokyo International Forum, Hall C bilang isa sa mga highlights ng 30th Tokyo International Film Festival (TIFF).

Sasabayan ito ng Tokyo Philharmonic Orchestra na magbibigay-buhay sa iconic soundtrack ng classic film na isinulat ng namayapang composer na si Akira Ifukube. Magsisilbing conductor ang kanyang estudyante na si Kaoru Wada, kasama ang choir group na Chor June.

Bago ang screening at live performance ay magkakaroon muna ng talk show na pinamagatang “Godzilla: Present, Past, Future.” Dadaluhan ito ng 12-time Godzilla suit actor na si Haruo Nakajima pati na rin nina Shogo Tomiyama, Heisei series producer at Shinji Higuchi, Shin Godzilla director para pag-usapan kung ano ang pang-akit ng Godzilla sa bagong henerasyon ng mga fans.

Hawak ni Godzilla ang record sa pinakamaraming beses na pagdalo sa TIFF.

Tumabo sa takilya ang 1954 movie at naging inspirasyon ng franchise na hanggang ngayon ay tinatangkilik ng mga manonood. Nakatakdang ipalabas ang Hollywood film na “King of the Monsters” sa 2019.

‘The Anthem of the Heart’: A traumatized girl finds her words again in music

Isa sa mga malalaking pelikula ngayong summer sa Japan ang live-action feature film adaptation na “The Anthem of the Heart” (Kokoro ga Sabitagatterunda) na pinagbibidahan nina Kento Nakajima ng male idol group Sexy Zone, Kyoko Yoshine, Anna Ishii ng E-Girls, at Kanichiro tungkol sa isang teenager na isinumpang hindi makapagsalita ng isang diwata pagkatapos ng isang pangyayari sa kanyang nakaraan.

Mula naman ito sa direksyon ni Naoto Kumazawa, screenwriter Yukiko Manabe at Aniplex.

Hango ang kwento nito mula sa box office hit na animated film na inilabas noong Setyembre 2015 na parehas ang pamagat. Humakot ito ng mahigit ¥1.1 bilyon ($10 milyon) sa kanyang theatrical run at isa sa highest grossing domestic films ng taong ito na likha ng creative team na nasa likod ng “Anohana: The Flower We Saw That Day” anime series at anime film adaptation.

Kinunan ang pelikula sa Chichibu, Saitama Prefecture na lokasyon din ng parehong The Anthem of the Heart at Anohana.

Importance of words and wonders of music

“This is a work that includes many themes like music, friendship, youth, love… I will try to give the story a unique live action atmosphere but at the same time do my best to make the message of the original anime reach at least one viewer – ‘Words are important.’” Ito ang pahayag ni director Kumazawa ukol sa pelikula, na kilala sa industriya sa mga proyektong “Letters from Kanai Nirai” (original script) at live action films na “Kin Kyori Renai” at “Kimi ni Todoke.”

Nagsisimula ang kwento sa pangunahing karakter na si Jun Naruse (Yoshine), isang dating masayahing bata ngunit dahil sa pagiging “chatterbox” ay nagdulot ito ng pagkawasak ng kanyang pamilya nang minsa’y makita niya ang ama na may kasamang babae at agad itong sinabi sa kanyang ina.

Mula noon, tuwing sinusubukan niyang sabihin ang kanyang emosyon at iniisip ay ‘di nito mailabas ang mga salita at sumasakit ang kanyang tiyan.

Mahaharap sa bagong pagsubok si Jun nang mapili siyang maging parte ng isang musical para sa Regional Friendship Exchange Executive Committee kasama sina Takumi (Nakajima), Natsuki (Ishii), at Daiki (Kanichiro).

Driven by relatively new cast

Ito ang ikaapat pa lang na starring role ni Nakajima na mas kilala sa mga bright characters, at sa pagkakataong ito ay isang karakter na nahihirapang ipaliwanag sa iba ang kanyang mga intensyon at saloobin ang kanyang ginagampanan.

Kauna-unahang starring role naman ito ni Yoshine na napanood kamakailan sa NHK morning drama na “Beppin-san” at TBS drama na “Little Giants.” Kilala naman sa mga pelikulang “Solomon’s Perjury Part 1 & 2,” “Your Lie in April,” at “The Blue Hearts - 1001 Violins.” Pinakabaguhan naman sa kanila si Kanichiro na nito lamang nag-debut bilang aktor.

Yoshimoto artists sumuporta sa kampanya para sa 2025 World Expo sa Osaka

Ni Din Eugenio

            Ang Yoshimoto artists kasama si Governor
Matsui (pangalawa mula sa kaliwa) at ilang miyembro ng Diet.

Nagbigay ng suporta ang ilang Yoshimoto artists sa kampanya ng Osaka para maging host ng “2025 World Expo.”

Sa ginanap na “Diet League for Realizing the 2025 Osaka-Kansai World Expo” seminar sa Osaka Prefectural Government Sakishima Building kamakailan sa pangunguna ni Osaka Prefecture Governor Ichiro Matsui at mga miyembro ng Diet, ibinahagi ng mga Yoshimoto artists na sina Momoko at Ringo ng comedy duo na Highheel, mga miyembro ng NMB48 girl-group na sina Sayaka Yamamoto, Miru Shiroma at Akari Yoshida, at komedyante at dating pulitiko na si Kiyoshi Nishikawa ang kanilang mga inaasam at suhestiyon para sa expo.

“I’d like to see an exposition planned in a ground-breaking way, one that is easy to understand, and that truly reflects Osaka,” ani Ringo na tinukoy ang pagbuo ng communication technology para sa mga dayuhang turista.

Sinabi rin niya na ang “laughter and entertainment” ang pinakamahalagang aspeto ng expo.

“Laughter knows no walls. The whole world shares in it. Japan has a very high level of comedy, and I think that can be incorporated into the exposition. Laughter and entertainment are vital.”

Inalala rin ni Nishikawa ang kanyang manzai comedy performance kasama si Yasushi Yokoyama sa Festival Plaza noong 1970 Osaka exposition.

“Osaka is a city of laughter,” aniya at dinagdag na umaasa siya na kikilalanin ang pagsisikap ng prepektura para manalo sa kampanya.

Ipinakilala rin ng mga miyembro ng NMB48 ang publicity video para sa kampanya.

“We’ve all been talking about how we want to come to an exposition in Osaka, and we’re really looking forward to it,” ani Yoshida.

“I’ve heard from my family that there was a world’s fair in Osaka, and how everybody, not just in Osaka but all over Japan, was excited about it,” ani Shiroma. “I really hope there’ll be another world’s fair in Osaka.”

“I want to be involved with holding another exposition in Osaka, in Japan, something our generation can accomplish as well, that will bring bigger smiles to faces all over Japan,” ani Yamamoto.

Huling isinagawa sa Osaka ang world expo taong 1970 kung saan aabot sa 64 milyong katao ang dumalo at naging simbolo ng tagumpay ng Japan matapos maluklok bilang pangalawang economic power sa buong mundo.

Kalaban ng Osaka ang Grand Paris sa France, Yekaterinburg sa Russia at Baku sa Azerbaijan. Nakatakdang ianunsyo ng Bureau International des Expositions o BIE ang mananalong host city sa Nobyembre 2018.

Japanese historian gagawaran ng Ramon Magsaysay Award

Ni Florenda Corpuz

Kuha mula sa The Ramon Magsaysay
Award Foundation

Kikilalanin ang kontribusyon ng Japanese historian na si Yoshiaki Ishizawa para sa kanyang pagtulong sa mga tao sa Cambodia na mapanatili ang mga templo ng Angkor Wat sa gaganaping 2017 Ramon Magsaysay Award.

Kabilang si Ishizawa sa anim na bibigyan ng prestihiyosong parangal mula sa iba’t ibang bansa sa Asya na kinabibilangan din nina Lilia de Lima at Philippine Educational Theater Association (Pilipinas), Abdon Nababan (Indonesia), Gethsie Shanmugam (Sri Lanka), at Tony Tay (Singapore) dahil sa kanilang natatanging ambag para mapabuti ang buhay ng iba.

Ayon sa board of trustees ng Ramon Magsaysay Award Foundation (RMAF), kanilang kinikilala si Ishizawa para sa kanyang “selfless, steadfast service to the Cambodian people, his inspiring leadership in empowering Cambodians to be proud stewards of their heritage, and his wisdom in reminding us all that cultural monuments like the Angkor Wat are shared treasures whose preservation is thus, also our shared global responsibility.”

Inaasahan na tatanggapin ni Ishizawa ang sertipiko, medalya na may imahe ng dating pangulong Ramon Magsaysay at cash prize sa awards presentation ceremonies na gaganapin sa Cultural Center of the Philippines sa Agosto 31.

Si Ishizawa ay nagsilbi bilang presidente ng Sophia University mula taong 2005 hanggang 2011 at professor (by special appointment).

Natapos niya ang kursong French Language and Studies sa Sophia University noong 1961 at nakamit naman ang Master’s Degree in Oriental History mula sa Chuo University noong 1968 at Doctoral Degree in Oriental History noong 1977.

Itinatag niya ang Asia Center for Research and Human Development para sa  pagsasanay ng mga Angkor monuments conservators sa Siem Reap noong 1991.

Ang Ramon Magsaysay Award ay isang taunang pagkilala na nagsimula noong 1958 para bigyang-parangal ang mga indibidwal at organisasyon sa Asya na kumakatawan sa transformative leadership at selfless service ng dating pangulo. Ito ay itinuturing na Noble Peace Prize ng Asya.

16 Pilipino nag-aral ng disaster management sa Japan

Ipinadala ng JICA ang 16 Pilipino sa Japan para matuto ng disastrer management.
Nakaupo mula sa kaliwa sina  JICA Senior Representative Aya Kano, JICA Chief
 Representative Susumu Ito, Department of Foreign Affairs Director for Asia & Pacific
Affairs Bolivar Bao, at JICA Senior Representative Ayumu Ohshima.

Dumating sa Japan ang 16 na Pilipino mula sa iba’t ibang ahensya ng gobyerno at non-profit organization para matuto ng disaster management dito kamakailan.

Pinadala sila ng Japan International Cooperation Agency (JICA) sa ilalim ng “Knowledge Co-Creation Program for Young Leaders (KCCP)” para magsanay sa iba’t ibang kurso tulad ng water resources management, science and mathematics in basic education, agribusiness, agri eco-tourism at disaster management.

Binisita nila ang rehiyon ng Tohoku, ang epicenter ng 2011 Great East Japan Earthquake and Tsunami noong nakaraang buwan at natutuhan ang reconstruction at rehabilitation practices mula sa natural disasters, disaster preparedness systems, at interaksyon sa mga apektadong komunidad at lokal na organisasyon na kabahagi sa renewal at revitalization ng lugar.

Napili ang mga batang opisyal mula sa Departments of Interior and Local Government (DILG), Public Works and Highways (DPWH), Education (DepEd), National Economic and Development Authority (NEDA), Bureau of Fire Protection (BFP), Office of Civil Defense (OCD), Philippine Institute of Volcanology and Seismology (PHIVOLCS), at lokal na pamahalaan ng Antique, Benguet, Bohol, Iriga City, Malabon City, Eastern and Northern Samar, pati na rin ang non-profit group Philippine Disaster Resilience Foundation bilang kinatawan ng Pilipinas ngayong taon.

“Japan took years to develop its disaster management system and we continue to learn from our experiences and share it with partner countries like the Philippines,” ani JICA Chief Representative Susumu Ito.

“We are confident that the chosen delegates possess the energy and enthusiasm to contribute to the Philippines’ disaster resiliency efforts,” dagdag pa niya.

Nakapagpadala na ng mahigit sa 15,000 Pilipino ang JICA sa Japan sa ilalim ng KCCP.

PH officials nag-obserba sa Japanese subway bilang paghahanda sa Metro Manila Subway Project

Ni Florenda Corpuz

 

Pinangunahan ni DPWH Secretary Mark Villa
ang pagsasagawa ng test-drive sa isang tren sa Japan.
(Kuha mula sa Department of Transportation)

Nagtungo kamakailan sa Japan ang ilang opisyal ng gobyerno para sa dalawang araw na pagbisita na may kinalaman sa “Build, Build, Build” project ng administrasyong Duterte.

Binisita nina Department of Transportation (DOTr) Secretary Art Tugade, Department of Public Works and Highway (DPWH) Secretary Mark Villar, at Metro Manila Development Authority (MMDA) Chairman Danny Lim ang isinasagawang subway tunneling mula Hazawa hanggang Shin-Yokohama na may lalim na 48 metro. Ito ay bilang paghahanda sa pagtatatag ng Philippines Rail Institute at paggawa ng Metro Manila Subway na gagamitan ng Japanese tunneling technology.

Ayon kay Tugade, “very impressed” siya at ang kanyang mga kasamang opisyal sa rail at subway construction processes ng Japan pati na rin sa rail training dito.

Bago ito ay nakipagkita muna sila sa mga kinatawan ng Japan International Cooperation Agency (JICA) para sa isasagawang subway train inspection.

Nagtungo rin sila sa Tokyo Metro (Rail) Training Center at nagsagawa ng test-drive ng tren dito.

Dumalo rin sila sa isang classroom lecture tungkol sa rail construction sa pangunguna ng Japan Railway Construction, Transport and Technology Agency.

Popondohan ng Japan bilang tulong sa Pilipinas ang pagbuo ng Metro Manila subway, ang kauna-unahang subway system sa lungsod, upang maibsan ang lumalalang bigat sa daloy ng trapiko.

Ang naturang rail project ay nagkakahalaga ng $4.2 bilyon dolyar at magkukonekta sa FTI Taguig sa SM North EDSA at Trinoma Mall sa Quezon City.

           

Katulong din ng Pilipinas ang Japan sa pamamagitan ng JICA sa pagsasakatuparan ng dalawa pang railway projects – ang $2.7 bilyon dolyar na Manila to Los Baños railway at ang $1.9 bilyon dolyar na high-speed rail na magdurugtong sa Clark Green City sa Tutuban sa Maynila at Malolos sa Bulacan.

May kabuuang halaga na $8.8 bilyon dolyar ang tatlong proyekto na popondohan ng Japan sa pamamagitan ng mga loans at grants.