Beach Volleyball Republic at Aboitiz Land nagbukas ng sand court sa Bonifacio Global City

Para sa sinumang volleyball enthusiast, at lalo na dahil summer na sa Pilipinas, magandang pagkakataon ang makanood ng volleyball action o maglaro ng volleyball sa beach. Ngunit ngayon, hindi na kinakailangan pang lumabas ng siyudad dahil pinasinayaan kamakailan ng Beach Volleyball Republic (BVR) at Aboitiz Land ang isang sand court sa Seafront Residences sa Bonifacio Global City, Taguig.

Bahagi ito ng adbokasiya ng BVR sa pagsusulong ng volleyball sa mga kabataan at sa mga Pinoy gaya ng Beach Royals development program sa ilalim ng Philippine Sports Commission (PSC). Sinusuportahan din ito ng Larong Volleyball sa Pilipinas (LVPI). Opisyal na nabuo ang BVR noong Hunyo 2015.

“It has been our ultimate dream to host a BVR event in BGC and having it done so soon through Aboitiz Land gives us more affirmation that we are doing the right thing for the love of beach volleyball.

We’re very grateful that the sport is now starting to grow bigger and gain support from a company like AboitizLand and the Aboitiz Group. It’s really fate and a shared goal that brought the partnership together. Getting traction like this is very good for the support and we hope to gain more support from the private sector,” ang masayang kwento ni BVR co-founder at dating Ateneo Blue Eagles volleybelle Bea Tan.

Nagdaos din ng exhibition games ang paglulunsad sa sand court kung saan mismong si Tan, mga BVR co-founders Charo Soriano, Dzi Gervacio, Fille Cainglet-Cayetano, at Gretchen Ho, gayon din ang iba pang collegiate volleybelles na sina Melissa Gohing, Amanda Villanueva, Amy Ahomiro, Kara Acevedo, Michelle Gumabao, Ella De Jesus, at Mae Tajima ay nagpakita ng maagang summer volleyball action sa mga sumusuporta ng volleyball sa bansa.

Aniya, ang kolaborasyon sa pagitan ng BVR at Aboitiz ay tuluy-tuloy pa sa iba pang proyekto ng BVR gaya ng planong beach volleyball tournament at beach sports activities sa Seafront Residences.

BVR on Tour 2017 heating up the summer

Bago pa mag-summer ay hitik na hitik na ng aksyon sa opisyal na pagsisimula ng Beach Volleyball Republic on Tour 2017 noong Enero sa Cabugao Beach, Ilocos Sur kung saan nagwagi sina Tiger Spikers KR Guzman at Anthony Arbasto sa men’s, at Bea Tan at Charo Soriano sa women’s.

Tuloy naman ang pakitang-gilas ng mga atleta sa second leg sa Tondalingan Beach, Dagupan City, at muli ay nagtakda ng panalo si Tan kasama ang bagong partner na si Gervacio. Inulit naman nina Guzman at Arbasto ang kanilang mataginting na pagkapanalo sa first leg.

Dumayo naman ang BVR on Tour hanggang Lakawon Island, Negros Occidental sa third leg kung saan nagwagi naman sina Jeremiah Barrica at Kevin Hadlocon ng FEU. Nakabawi na lang ang dalawa sa pagbabalik ng BVR sa Kahuna Beach, La Union sa fourth leg kung saan nakaharap nila ang matitinding kalaban mula FEU, Perpetual Help, Lyceum, Navy, Airforce, Cebu at Bacolod.

Para sa mga volleyball fans sa Norte at Visayas, pwede pang habulin ang BVR on Tour sa Anguib Beach, Santa Ana Cagayan sa Abril 22-23, Guimaras Island sa Mayo 6-7 at ang kulminasyon sa Hunyo sa Ilocos Norte.

Ang Bandang Shirley’s new album ‘Favorite’: Confident, mature, teary and refined

Hindi nagpatinag sa matinding sikat ng araw ang mga tagasuporta ng musika ng Ang Bandang Shirley sa naganap na album launch kamakailan ng kanilang ikatlong studio album na pinamagatang “Favorite.”

Ginanap ang kaabang-abang na paglulunsad ng muling pagbabalik sa eksena ng isa sa paboritong alternative rock bands sa bansa sa Blue Bay Walk Garden, Metro Park, Pasay. Featuring din sa album launch ang Outerhope at Musical O, at mula sa presentasyon ng Page Four Productions at Chamtamaria.

Mula sa Wide Eyed Records, ito ang follow-up sa critically-acclaimed sophomore album, ang soulfully instrospective na “Tama Na Ang Drama” (2013).

Atmospheric, personal, intimate

Apat na taon din ang binilang bago ang Favorite na naglalaman ng 14 tracks kabilang ang nauna nang nailabas na first two singles –  ang crowd favorites na “Umaapaw” at “Siberia” na nanguna sa Spotify Philippines’ Viral Charts kamakailan, gayon din ang “Maningning,” “Karamay,” “Makahiya,” “Alam Mo Ba? (Ang Gulo),” “Maginhawa,” “Relihiyoso,” “Favorite,” “Actually,” “Ilang Ilang,” “Ono,” “Palindrome,” at “Karagatan.”

Isang mahabang pila ang bumati sa mga miyembro ng banda na sina Owel Alvero (founding band member/chief songwriter, lead vocal), Ean Aguila (founding band member/ guitarist-songwriter-lead vocal), Zig Rabara (drums), Selena Salang-Davis (lead vocal), Kathy Gener (semi vocals/resident band manager), Joe Fontanilla (guitarist), at Enzo Zulueta (bassist) na masaya naman na pinaunlakan ang mga tagahanga ng album signing at meet-and-greet.

“Wow! Ang dami ninyo. Grabe. Salamat sa inyong pagmamahal at sa pag-gusto ninyo ng musika namin,” pahayag ni Davis bago simulan ang unang kanta.

Nagpakasasa ang mga Shirley fans sa 23 kanta mula sa Favorite, gayon din sa unang dalawang albums na Themesongs at Tama Na Ang Drama at sumabay sa mga paboritong “Nakauwi Na,” “Di Na Babalik” at “Patintero,” na last song at espesyal sa puso ni Davis lalo na’t ang album launch ang kanyang huling performance kasama ang grupo.

Making everyday life poetic

Pangunahing tema ng album ang happiness, loss, love, at living life, na dala pa rin ang kanilang marka ng ritmikong melodiya at nakakaantig na mga liriko.

Sa unang pagkakataon, isang collective effort ang album kung saan nagtulung-tulong ang bawat miyembro sa pagsusulat ng kanta, gayon din ang iba’t ibang producers.

“Minsan depende sa feelings. ‘Yung album, parang range of songs na hindi lahat magugustuhan mo at the same time, pero magkakaroon ng chance na magustuhan mo rin sila eventually,” ang pagsasalarawan ni Alvero sa album.

Aniya, gusto ng banda na magkaroon ng koneksyon ang mga makakarinig ng album gaya ng mga pelikula. “The connection is like, you know how some movies grow on you. I hope people like the album at the start, but I hope they’ll find something more about themselves the more they listen to it.”

Mahigit isang dekada na ang banda na nagsimula dahil sa inspirasyon ng Eraserheads noong panahong nag-disband na ang banda. Maliban sa Eraserheads, itinuturing din nilang mga idolo ang Rivermaya, Sugarfree, Rico Blanco, Raymund Marasigan at Sandwich. Ipinangalan nila ang banda mula sa kantang “Shirley” ng Eraserheads sa “Natin 99” album at bilang pagpupugay na rin sa mga hari ng Pinoy rock.

Kontribusyon ni Pikotaro sa promosyon ng pinya, kinilala

Ni Florenda Corpuz

Kuha ni Din Eugenio

Kinilala ng DOLE Japan, Inc. ang kontribusyon ng Japanese comedian na si Pikotaro sa promosyon ng pinya sa buong mundo sa pamamagitan ng kanyang viral hit na “Pen-Pineapple-Apple-Pen (PPAP).”

Tinanggap ni Pikotaro mula kay DOLE Philippines Agriculture Operations Director Jorge Paez ang pineapple-shaped letter of appreciation at isang taong supply ng pinya sa ginanap na “DOLE Pineapple Appreciation Award Ceremony” sa The International House of Japan kamakailan.

“It brings me great pleasure to stand before you as a representative on behalf of all those involved in the pineapple industry worldwide and to express my gratitude to Pikotaro who entertained many with his viral ‘PPAP’ song and created global excitement on the topic of pineapples,” pahayag ni Paez. 

“Along with the global excitement of Pikotaro’s song, I hope you will find a new appreciation for pineapples,” dagdag pa niya.

Regular na papadalhan ng DOLE Japan, Inc. si Pikotaro ng supply ng pinya sa loob ng isang taon na ayon sa komedyante ay balak niyang gawing juice.

Bago matapos ang seremonya ay nagsagawa rin ng pineapple cutting demonstration, patikim ng Sweetio pineapples at talakayan tungkol sa pinya kasama si Pikotaro.

Coldplay’s ‘A Head Full of Dreams’ Asian tour is pure magic

Ni Len Armea

 Para sa milyun-milyong fans ng British rock band na Coldplay, isang pambihirang pagkakataon ang mapanood ang banda ng personal. Ito ang unang beses na nagtanghal sina Chris Martin (vocalist), Jonny Buckland (guitarist), Guy Berryman (bassist ), at Will Champion (drummer) sa Pilipinas, ikalawang beses pagkaraan ng dalawang dekada sa Taiwan, at ikaapat na beses naman sa Singapore.
 Nagpunta rin ang Coldplay sa Thailand, South Korea at Japan.
 Sa lahat ng naging pagtatanghal ng Coldplay sa Asya, mayroong isang pagkakapareho at ito ay dinayo ng libu-libong fans ang bawat concert at lahat ay nagpatotoo kung gaano kahusay ang banda at gaano kaganda ang kanilang naging pagtatanghal.
 A visual spectacle Isang visual spectacle ang “A Head Full of Dreams” ng Coldplay mula sa malaki at makulay na stage na may mahabang runway at pop-up na entablado sa glowing wristbands na ipinasuot sa mga fans at pagsaboy ng confetti. At nang magsimula ng lumabas at tumugtog ang banda ay walang kapaguran ang mga fans sa pagtalon, paghiyaw at pagsabay sa mga luma at bagong kanta ng Coldplay.
 Sa Singapore pa lamang, mahigit sa 100,000 ang naging audience sa Singapore National Stadium sa loob ng dalawang araw na pagtatanghal ng banda. Binuksan nila ang concert sa pagkanta ng A Head Full of Dreams na agad na sinundan ng popular na kanta na “Yellow” kung saan nagkulay dilaw ang buong stadium mula sa LED wristbands ng fans.
 “Thank you for coming out tonight wherever you’re from. This is gonna be the best show we’ll ever play,” panimula ni Chris.
 Sinundan ito ng “Every Teardrop Is a Waterfall,” “The Scientist,” “Birds,” at “Paradise” na kung hindi paikot-ikot si Chris sa stage ay tumutugtog ito ng piano o kaya ay dala ang kanyang gitara na labis na ikinamangha ng mga fans.
 “This is our first show of the year. So either we’re a little rusty or we’re fresh, depends on how you see it,” biro pa ni Chris sa mga fans na karamihan ay mula pa sa Pilipinas, Indonesia, Hong Kong at ibang panig ng mundo.
 Combination of old and new songs Karamihan sa mga kinanta ng Coldplay ay mula sa kanilang 2015 album na kinabibilangan ng mga kantang “Hymn for the Weekend,” “Everglow,” “Amazing Day,” “Amazing Day,” “Up and Up,” at “Adventure of Lifetime” kung saan maraming makukulay na malalaking bola ang nagsipagbagsakan na pinagpasa-pasahan ng mga manonood.
 Hindi rin mawawala sa set list ang kanilang iba pang popular na mga kanta tulad ng “Always in my Head,” “Magic,” “Clocks,” “Viva La Vida,” “Charlie Brown,” “Don’t Panic,” “Midnight,” “A Sky Full of Stars” at “Fix You.”
 Nagbigay din ng tribute si Chris kay David Bowie sa pagkanta ng “Heroes” habang kinanta rin ng banda ang bago nilang collaboration kasama ang The Chainsmokers, ang “Something Just Like This.”
 “I think you’re one of the greatest audiences we’ve ever played for. I wish you could know what it feels like to be up here. It’s an amazing feeling,” ani Chris habang tumugtog ng piano.
 “See you next time, yeah?” na sinagot ng malakas na palakpakan at hiyawan ng fans.
 Worth the wait for Manila fans Worth the wait at worth the price naman ang sigaw ng 35,000 Filipino fans na pumunta sa Mall of Asia Arena concert grounds para sa kauna-unahang pagtatanghal ng Coldplay.
 Halos pareho lamang ang naging set list ng Coldplay sa Asian Tour nito liban lamang sa isa o dalawang kanta na mula sa napiling request ng fans. Sa Singapore ay “Til Kingdom Come” at “In My Place” ang napiling tugtugin ng banda habang “Ink” naman sa Manila na dedicated kay Ken Santiago na isang cancer patient na binisita ni Chris sa ospital bago ang concert.
 Impromptu rin gumawa ng “Manila song” ang banda kung saan ang bahagi ng lyrics ay “I’d say that the crowd is such a thrilla | They’re all killer, no filler.”
 “Sorry for making you all wait for 17 years. Lots of people were asking why it took us a long time to visit your beautiful country. We have been waiting, so we would have enough good songs,” pahayag ng 40-taong-gulang na bokalista ng Coldplay.
  

Gerald Santos, pasok sa Miss Saigon UK Tour 2017

Nakuha ng singer na si Gerald Santos ang papel na si Thuy sa Miss Saigon UK Tour 2017 na tatakbo mula Hulyo 1 hanggang 22 sa Curve Theater sa Leicester, England. Bukod kay Gerald, kasama rin sa Miss Saigon ang dalawa pang Pilipino na sina Red Concepcion at Christian Rey Marbella, na magpapalitan sa paggampan sa papel ng Engineer, at si Joreen Bautista bilang kahalinlinan ni Sooha Kim para sa papel ni Kim.

Sa panayam ni Gerald sa ABS-CBN News, sinabi niyang sobra ang kanyang pasasalamat na makuha ang role na pinangarap at pinaghirapan niyang makuha. Si Thuy ang pinsan ng bida na si Kim, isang 17-taong-gulang na babae na napilitang magtrabaho sa Saigon bar na pinamamahalaan ng Engineer at na-in love sa Amerikanong sundalo na si Chris noong mga huling araw ng Vietnam war.

Kwento ng 26-taong-gulang na si Gerald, noong nakaraang taon pa si nag-audition sa papel ni Thuy kung saan kinanta niya ang “Kim’s Nightmare.”

“Grabe, sobrang overwhelmed. Grateful and thankful to God sa wonderful blessing na ito sa aking career and sa buhay po,” pahayag ni Gerald sa ABS-CBN News.

Dumaan sa ilang rounds ng audition si Gerald na umaming hindi madali ang mga audition piece na ipinagawa sa kanya.

“Sinubukan ko lang po. Nag-audition ako and then ito na at thankfully nakapasa ako sa four stages na rigorous audition ng ‘Miss Saigon.’ Medyo matagal po ‘yung paghihintay ng announcement but worth it po lahat,” ani Gerald na nagsimula sa showbiz matapos na manalo sa “Pinoy Pop Superstar” talent competition ng GMA-7.

Laking pasasalamat ni Gerald sa mga nasa likod ng Miss Saigon dahil sa pagtulong ng mga ito kung paano niya gagampanan ang role ni Thuy.

Umaasa si Gerald na mabibigyan siya ng tips ni Robert Seña na noo’y gumanap bilang Thuy sa Miss Saigon run sa London.

“Magre-reach out kami with them. Ang nakausap ko pa lang ay si Ms. Jamie Rivera. Nakapagbigay na siya ng ilang tips at kung ano ang mae-expect ko roon. Hopefully magkaroon ako ng time with them,” dagdag pa ng singer.

Sisikapin umano ni Gerald na gagawin niya ang lahat ng makakaya para maitayo ang bandera ng Pilipinas sa international scene.

“Ipakita natin sa buong mundo kung gaano kagaling ang talento ng Filipino and I will do and give my best to make our country proud. Iwawagayway po natin ang bandila ng Pilipinas sa Europe.”

Maniwaya Island: The dolphin-shaped gem in the heart of the Philippines

Tuwing sumasapit ang Semana Santa, unang naiisip ng marami ang dinudumog na Moriones Festival kung saan kilala ang isla ng Marinduque o ang “Lenten Mecca of Southern Tagalog,” ang pinakamaliit na probinsiyang hugis puso na matatagpuan sa rehiyon. Binubuo ito ng anim na munisipalidad – ang Boac, Buenavista, Gasan, Mogpog, Santa Cruz, at Torrijos. Ngunit may tinatago rin palang natural na yaman ang isla na matatagpuan sa Santa Cruz at ito ang Maniwaya Island.

Aniya, nagmula ang pangalan ng isla mula sa salitang Filipino na maniwala. Nabuo ang salitang maniwaya mula sa kwento ng isang dayo na may speech impairment ayon sa mga taga-rito. Nang pumunta siya sa isla at tanungin ng mga residente sa pananaw nito sa isla, sinabi niyang, “Maganda. Maniwaya kayo sa akin.”

May lawak itong 264 ektarya at binubuo ng may 1,900 na residente na pangunahing pangkabuhayan ang pangingisda.

Off the path paradise

Ngayong summer, mas mabuting dito pumunta kaysa ang mga nakasanayan at commercialized nang destinasyon na Boracay at Puerto Galera. Kung naghahanap din lang ng summer experience na ‘di kalayuan sa Maynila at iyong tunay na makapagbibigay ng relaxation, siguradong ang maaliwalas na kapaligiran gayon din ang mga magiliw na mga Marinduqueños at napakalinaw na tubig ang makakatanggal sa anumang pang-araw-araw na stress mula sa siyudad.

Higit dito, ang pagbisita sa Maniwaya ay makatutulong sa mga kababayan nating mangingisda na magkaroon ng dagdag na kita sa kanilang kabuhayan bilang mga boatmen at guides ng mga turista.

Dagdag pa ni Clarence Pernia, isang resort owner, “The island presents a great potential to the province’s tourism industry.”

Freedom and enlightenment  

Isa sa pangunahing atraksyon dito ang isang ektaryang Palad sandbar kung saan pwedeng maglakad-lakad at damhin ang pinong white sands ng isla. Makikita lang ang sandbar kapag lowtide mula 6am- 8am o 3pm- 6pm ngunit nakamamanghang pagmasdan ang nagbabago nitong hugis depende sa daloy ng tubig-dagat at ng hangin.

Kung thrill-seeker at marunong lumangoy, magandang gayahin ang mga batang residente na umaakyat sa nagtataasang Ungab Rock Formation saka magda-dive mula rito. Matatagpuan ito sa Mongpong Island na ‘di kalayuan mula sa Maniwaya na may white sand beach din ngunit hindi kasing lalim ng Maniwaya.

‘Wag din palampasin ang mag-snorkeling para magalugad ang kaila-ilaliman ng dagat. Nariyan din naman ang iba pang water activities gaya ng camping, paddle boarding, jet skiing, banana boating at kayaking.

Para pumunta, sumakay ng JAC Liner biyaheng Marinduque, bumaba sa Sta. Cruz, mag-jeep papuntang Buyabod Port  at sumakay ng bangka patungo sa Maniwaya. Pwede rin ang JAC o JAM Liner na biyaheng Lucena Grand Terminal, mula rito ay sumakay ng van na pa-General Luna Port saka mag-arkila ng bangka na diretso na sa Maniwaya. Maaari rin mag-air transfer via Air Juan Seaplane na diretsong Marinduque Domestic Airport.

Ilan lamang ang Aloa Tree House Resort, Wowie’s Resort, Residencia de Palo Maria, Playa Amara, at Marikit-Na Beach House sa mga accommodations na mapagpipilian na swak sa inyong budget.

The Appeal of ‘Wachoshoku’

Ni Florenda Corpuz

Kuha ni Din Eugenio

Popular na destinasyon ng mga dayuhang turista ang Japan dahil sa mayamang kultura ng bansa, mga naggagandahang lugar at siyempre pa, masasarap at masusustansyang mga pagkain dito. Isa na rito ang “wachoshoku” o Japanese breakfast na unti-unti na rin nagiging popular sa mga turista mula sa iba’t ibang bansa.

Kamakailan ay nagsagawa ng special wachoshoku event ang Rice Stable Supply Support Organization sa Hotel Okura Tokyo para i-promote ang Japanese rice sa mga turista mula abroad.

Sa isang lecture, tinalakay ni Kanagawa University of Human Services University President Professor Teiji Nakamura ang kahalagahan ng wachoshoku sa health longevity ng mga Hapon. Sinundan ito ng survey results presentation kung bakit pinipili ng mga dayuhan sa Japan ang Japanese breakfasts at ang mga recommended hotels at “ryokans” na nagse-serve ng wachoshoku.

Nagsagawa rin ng isang seminar tungkol sa Japanese food etiquette kung saan isang staff member ng Japanese restaurant na Yamazato ang nag-demonstrate nito habang ini-enjoy ng mga bisita ang pagkain ng wachoshoku.

Ano ang wachoshoku?

Ang wachoshoku ay kabuuang refinement ng “washoku” o traditional Japanese cuisine na may taglay na apat na katangian: ang paggamit ng sariwang sangkap at ang natural nitong mga lasa, ang well-balanced at healthy diet, at ang paggalang sa kalikasan na makikita sa presentasyon nito. Kasama rin dito ang koneksyon nito sa taunang kaganapan sa pamamagitan ng paggamit ng tradisyonal na kaalaman at kaugalian na malapit sa kalikasan.

Binubuo ito ng tatlong pangunahing elemento: ang lutong kanin (gohan) na nagsisilbing staple food, soup, three dishes at Japanese pickles. Ito ay karaniwang tinatawag na “Ichiju-Sansai” (a bowl of soup and three different dishes).

Ang wachoshoku ayon sa panlasa ng mga dayuhan        

Ayon sa survey ng Metropolis magazine na ginanap mula Disyembre 9 hanggang 28, 2016, pinipili ng mga dayuhan sa Japan ang Japanese breakfasts dahil “delicious” (56.3%), “healthy” (50.5%), “excited about” sa pagkain ng Japanese rice (47.3%).

Kabilang naman sa impresyon nila sa pagkain nito ay “able to experience Japanese culture” (53.8%), iniisip na ito ay “healthy” (50.0%) at nasorpresa dahil “so many items” (49%).

Na-enjoy naman nila sa unang beses nang pagkain nito ang “grilled fish” (42.8%), “miso soup” (40.9%), at “Japanese omelet” (40.4%).

Kabilang naman sa mga recommended hotels at ryokans ang Hotel Okura Tokyo, Ohara no Sato sa Kyoto at Kameki sa Nagano.

Chris Lebumfacil: One of PAL’s go-to-guy

Christopher Lebumfacil

Masasabing sa likod ng mga naglalakihan at matatagumpay na kumpanya ay ang mga tao na nagpupunyagi upang maitaguyod ito at maisakatuparan ang mga layunin nito. Itinuturing na flag carrier ng Pilipinas, kilala at respetado ang Philippine Airlines (PAL) bilang isa sa nangungunang kumpanya sa bansa na nagbibigay ng kalidad na serbisyo sa kanilang mga customers.

At sa likod ng tagumpay na ito ay ang mga pamunuan, matataas na opisyal, at empleyado na sa loob ng 76 taon simula ng itinayo ang PAL ay masigasig na nagtatrabaho at napapanatili ng magandang serbisyo.

Isa sa mga tapat na opisyal ng PAL ay si Christopher Lebumfacil, tubong Cebu, na area head para Visayas sales and services at isa sa front liner ng PAL-Japan. Bilang bahagi ng PAL sa loob ng 30 taon, iginugol ni Lebumfacil ang kanyang atensiyon sa pagbuo ng mga adhikain at proyekto upang mabigyan ng kakaiba at kumportableng karanasan sa paglalakbay ang mga tapat na pasahero ng PAL.

Aniya, kung mayroon man isang bagay na bentahe ang PAL sa ibang carrier, ito ay ang kanilang serbisyo at ang mga tao na nagbibigay nito.

“It’s the service. Ultimately, it is the people. Our smile, our pagmamalasakit, our hospitality, our love for God, country and family. Our spirit and generous heart,” pahayag ni Lebumfacil sa panayam ng Pinoy Gazette.

Sa ngayon, abala ang PAL sa modernisasyon ng kanilang mga eroplano at pagpapanatili sa seguridad ng kanilang mga pasahero.

“Philippine Airlines at 76 years old is committed more than ever to be one of the world’s best airline, to be a five-star, full-service national carrier of the Philippines. We shall continue to modernize our fleet, acquiring new Air Bus 321, (we use this type of aircraft to Japan) new Boeing 777s and Air Bus 330,” bulalas ni Lebumfacil na nadestino rin sa ibang bansa gaya ng Saudi Arabia, Taiwan, at Thailand.

Bilang opisyal ng PAL sa Japan, aminado si Lebumfacil na mayroong mga adjustments na kailangan siyang gawin upang lalong maging maayos operasyon ng PAL sa Japan. Matatandaan na isa sa mga bagong serbisyo ng PAL ay ang mas pinarami na biyahe kada linggo sa Osaka (apat na beses) at Nagoya (tatlong beses) mula sa Cebu.

“Working in Japan is a very wonderful experience. Adjustments had to be made, like in giving instructions, you have to say it two or three times. Then you have to ask them to tell you what is their understanding of the instructions in their own words.

“Japan is a very wonderful country, its people are very nice and disciplined. Very modern yet has managed to keep traditional and cultural things alive,” dagdag pa nito.

Hanga rin si Lebumfacil sa mga Overseas Filipino Workers (OFWs) dito sa Japan dahil sa kanilang kagalingan na mayakap ang kultura ng mga Hapon at ang kanilang kasipagan para matulungan ang kani-kanilang pamilya.

Payo niya sa mga ito na patuloy na magsumikap at laging gawin ang lahat ng makakaya sa kahit na anumang larangan na nais pasukin.

“One must be willing to exert effort and sacrifice if only to achieve its goal. Discipline is very important. In everything you do aim for excellence,” ani Lebumfacil.

Bangsamoro energy project maisusulong sa ¥771-M grant aid

Ni Florenda Corpuz

Nilagdaan nina JICA Chief Representative Susumu Ito 

at NEDA Secretary Ernesto Pernia ang grant aid 

para sa Bangsamoro energy project.

Isang grant aid na nagkakahalaga ng ¥771 milyon ang ibibigay ng Japan sa Pilipinas para pondohan ang pag-upgrade ng power distribution equipment sa Bangsamoro area sa west-central na bahagi ng Mindanao.

Nilagdaan nina Japan International Cooperation Agency (JICA) Chief Representative Susumu Ito at National Economic Development Authority (NEDA) Secretary Ernesto Pernia ang grant agreement para sa “Project for Improvement of Equipment for Power Distribution in Bangsamoro Area” kamakailan sa opisina ng NEDA.

Sa pamamagitan ng proyekto ay maa-upgrade ang power distribution equipment tulad ng transformers, poles, conductors at boom trucks sa anim na electric cooperatives na nag-o-operate sa lugar.

Ipapatupad ng National Electrification Administration (NEA) ng Department of Energy (DOE) ang proyekto na bahagi ng development cooperation ng JICA sa Pilipinas.

“By helping resolve the power supply issues in conflict-affected areas, we aim to help the Philippines create more economic activities in the region,” pahayag ni Ito.

Ayon naman kay Pernia, inaasahan nila na makatutulong ang nasabing proyekto sa pagpapababa ng system loss sa 13 porsyento at pagpapataas ng line capacity sa 130 porsyento. 

“Beyond addressing the basic need to improve power supply stability in that area of Mindanao where household electrification level stands only at 72.38 percent, we also see this project as a confidence-building undertaking and a gesture of goodwill that will prove helpful as we continue to work towards achieving lasting peace and development in the region,” ani Pernia.

Dinagdag din ng kalihim ng NEDA na ang Japan ang pangunahing pinagkukunan ng Official Development Assistance ng Pilipinas.

Ang west-central part ng Mindanao ang may pinakamataas na poverty rate sa Pilipinas. 

Guihulngan, Negros Oriental: Kansalakan Enchanted River, Hinakpan Hills, caves, lakes and waterfalls

Kapag naririnig ang Negros Oriental, na matatagpuan sa timog-silangang bahagi ng Negros island, madalas ang nakikilala ng marami ay ang capital city nitong Dumaguete. Ngunit hindi lang pala Dumaguete ang maipagmamalaki ng naturang isla dahil nariyan din ang ikatlo sa may pinakamaraming populasyon sa isla na Guihulngan.

Isang component city ang siyudad ng Guihulngan na may populasyon na 95,969 na katao, at ang pangunahing industriya rito ay agrikultura mula sa produksyon ng mais, tabako, tubo, bigas, kopra, sugar cane, at soybeans. Nariyan din ang industriya ng basketry na gawa sa pandan at abaca. Pinapayabong din ito para maging pangunahing daungan ng kalakalan mula Cebu.

Babati sa iyong pagdating ang isang malaking kampana na may kalabaw na simbolo ng Guihulngan.

Pinakamalapit na paliparan ang Mactan-Cebu Internation Airport. Mula rito, kinakailangan lamang sumakay ng ferry para marating ang Guihulngan. Maaari rin puntahan ang Guihulngan sa pamamagitan ng Dumaguete Airport mula Manila at mag-bus sa layong 120 kilometro.

Enchantingly mysterious 

Ordinaryong lugar lamang ang Kansalakan River sa mga residente ngunit nito lamang ito nadiskubre ng mga turista. Gaya ng Hinatuan Enchanted River ng Surigao del Sur, may mga kwento ng misteryosong pagkawala rito at ang mga kaluluwang ito ang nagsisilbing tagabantay ng likas na yaman nito.

Sa kabila ng misteryosong kasaysayan nito, ang mala-salamin sa linaw na turquoise water nito, kakaibang hugis na pinapalibutan ng kagubatan, at natural na ganda, ay para bang isang malaking hiwaga na kahali-halina sa sinumang makakakita ng ilog.

Sa lalim nito na 30 talampakan, ang buong ilog ay nagsisimula sa isang bukal, at kapag tiningnan mo ang tubig ay mararamdaman mo na tila may humihimok sa iyong pwersa ng kalikasan para lumangoy at damhin ang tubig nito.

May layong 23 kilometro mula sa Guihulngan city proper, matatagpuan ito sa hangganan ng Barangay Balogo at Banuage at pwedeng mag-sasakyan o kaya ay mag-motor sa loob lang ng 40 minuto.

Bukas ito sa publiko at walang entrance fee  ngunit hinihikayat ang lahat na maging responsable at panatilihin itong malinis. Inaabisuhan din ang lahat na magdala ng sariling pagkain.

Chocolate Hills in Negros and other natural wonders

Hindi lang pala sa Bohol ang mayroong Chocolate Hills, sa Negros ay mayroon naman silang Hinakpan Hills na hango ang pangalan sa maraming hardwood trees na tinatawag na “takpan.” Matatagpuan ito sa Barangay Hinakpan na nasa 45 minutong layo mula sa city proper. Malapit lang din ito sa Kansalakan River na 20 minuto lamang mula sa mga burol.

Hindi tulad ng Bohol Chocolate Hills, magkakaiba ang hugis at taas ng Hinakpan kung saan makikita ang may 237 na limestone peaks. At hindi ka pa man lubos na nakakalapit dito ay bubungad na sa iyo ang presko at malamig na hangin at maaaninag mo rin ang tanawin mula sa Mt. Kanlaon.

Matatagpuan din sa loob ng isa sa mga burol ang Arvor Caves na nadiskubre ng mga residente. Maliban sa active stalacties na nagbibigay lalo ng icy-cool atmosphere sa loob nito, tahanan din ito ng iba’t ibang klase ng ibon at mga paniki. Mayroon din mga kweba sa Barangay Bulado, Calupaan at Tacpao.

Magbabad at mag-tampisaw naman sa Makatang Falls, Mainit Falls, Mantahao at Amulangan Lake, at McKinley Beach.

Masarap din mag-relax at maglakad-lakad sa Hilaitan Tree House at makisaya sa taunang Cara-Bell Festival bilang pag-aalala sa kasaysayan ng Guihulngan.

Napapagod ka na ba sa pagtatrabaho?

Ni MJ Gonzales

Kung tutuusin ay  malaking bahagi ng  ating panahon ang ginugugol natin sa ating kabuhayan. May ilan pa nga na halos sa isang buong linggo ay walang palya sa pagtatrabaho. Kahit na ito  ay may bayad, ang overtime ay nangangahulugan pa rin ng labis-labis na pagtatrabaho at ito ay may kapalit na malaki. 

Ang kalusugan mo.  Alam natin na ang pag-aabuso sa  katawan ay dahilan ng pagkakasakit. Kung palagi kang puyat, hindi nakakain nang maayos, at stressed sa trabaho ay kalusugan ang isinasangkalan mo kapalit ng pera. Subalit, kung titimbangin ay hindi lahat ng sakit ay isang gastusan lamang na bagay. Kung malala pa ito ay magtatagal ang gastusan na hindi  lamang sa uubos ng iyong ipon  at  posible pang magpalubog sa iyo sa  utang.

Ang oras mo. Ang paglalaan din ng sobrang oras  sa trabaho ay pakikipagpalit mo ng panahon para sa maraming  pagkakataon na sana ay para sa iyong sarili, pamilya, kaibigan at ibang bagay. Katunayan ay maraming pangarap ang naibabaon na lang sa limot  hanggang maging dahilan ng frustration at pagsisisi  pagdating ng panahon.

Sa librong “The Top Five Regrets of the Dying” na  isinulat ng Australian nurse na si Bronnie Ware, ibinahagi niya na ang labis na pagtatrabaho ay isa pinakapinagsisisihan  ng mga taong inalagaan niya na malapit nang mamatay.  Dagdag pa niya na karamihan sa mga lalaking pasyente ay nagsabing nagsisisi sila na wala silang naging panahon para sa kanilang mga anak at mga asawa.

“By simplifying your lifestyle and making conscious choices along the way, it is possible to not need the income that you think you do. And by creating more space in your life, you become happier and more open to new opportunities, ones more suited to your new lifestyle,” payo pa  ni Ware.

Kaya naman hindi sasapat na nagtatrabaho ka lamang para kumita sa ngayon. Kung  napapagod ka na sa pagtatrabaho ay mas lalong dapat maging marunong ka sa  pamamahala ng iyong oras at matalino sa paghawak  ng pera.

Ito ay upang  dahan-dahan ay makawala ka sa sitwasyon na nagpapakapagod ka sa trabaho para magkapera, bagkus ay darating ang punto na may pantustos ka sa iyong mga pangangailangan. Isa pa’y kung alam mong hindi ka muna kailangan magpakapagod sa trabaho para kumita ay magiging malaya ka na sundin ang iyong ibig at magkaroon nang maraming oras para sa iyong mga mahal sa buhay. 

Invest in a disaster-proof property

Ni MJ Gonzales

Kamakailan lamang ay magkasunod ang pagyanig na naganap sa Batangas, magnitude 5.5 sa Bagalangit at 5.9 sa Tanauan at Talaga.   Naramdaman din ito sa ilang bahagi ng Metro Manila at kahit mahihina pa lamang ay hindi maialis ang pangamba na baka malapit na ang “Big One” earthquake.

Matatandaan na ayon kay Renato Solidum Jr., director ng Philippine Institute of Volcanology and Seismology (PhilVolcs), na isa itong malakas na lindol na posibleng maganap sa ‘di malayong  hinaharap  at aabot sa 7.2 magnitude.

Kung magaganap  ang 7.2 magnitude na  ito ay tatama sa ilang lungsod sa Metro  Manila dahil nandito ang West Valley Fault. Bahagi ng 100-kilometrong bagtasin nito ang ilang bahagi ng Quezon City, Marikina, Pasig, Taguig at Muntinlupa. Kasama rin dito ang San Pedro, Biñan, Sta. Rosa, Cabuyao at Calamba sa Laguna; Carmona, General Mariano Alvarez at Silang sa Cavite; at ilang bahagi ng Bulacan.

Disaster preparedness: Earthquake-proof   

Bunsod nito ay kailangan na kailangan na maging mapanuri kung saan ka  bibili ng iyong real estate property.  Kung hindi maiiwasan na sa mga lugar na nabanggit ka kukuha ng ari-arian dapat ay mas lalo kang maging maingat kung kanino mo ipagkakatiwala ang iyong pera, at kaligtasan.  

Tunay na marami ang nagbebenta nang magagandang itsura ng condo o house unit pero mapipili pa rin ang nagbibigay ng ligtas na tirahan. Kaya naman kilalanin maigi kung alin kumpanya ang walang  isyu sa konstruksyon at magaling sa pagpili ng lugar na pagtatayuan ng kanilang mga proyekto.

Kung maganda na may mahusay na arkitektura ay dapat pahalagahan din ang civil engineering at kapaligiran ng iyong posibleng magiging bahay. Condo unit o house and lot man sa isang subdivision, mahalaga na alamin kung “earthquake-proof” ang konstruksyon na kakayanin kahit pa ang isang 9 magnitude lakas na lindol. Paano nga ba malalaman ito?

Sa inilabas na pagsusuri ng Philvolcs at Japan International Cooperation Agency (JICA) ang  bahay o gusali na itinayo pagkatapos ng 1992 ay mas matibay  at handa sa lindol. Ito ay dahil nakasunod dapat ang development sa “National Building Code and Structural Code of the Philippines” bago aprubahan. 

Dagdag pa rito na mainam na isang mahusay na civil engineer at architect ang namahala sa  pagtayo ng bahay kaysa simpleng  karpintero lamang dahil sumusunod sila sa building code  at structural code.   Mas mainam din umano ang itinayo sa mabato o matibay na lupa, regular na pahabang hugis kaysa iregular, at konstruksyon ng bahay ay may 10 mm taba na steel bars na 40 sentimetro ang pagitan lamang sa isa’t isa.

Sa kasawiang palad ay may ibang establishment o gusali na hindi sumusunod sa kahit pa sa simpleng alituntunin ng city government pagdating sa building, fire at location safety measures. Ang iba ay walang maayos na exit points na importante lalo na kapag may lindol at sunog.    

Disaster Preparedness: Flashflood prone?

 Bago pa man ang lindol ang matagal na rin problema sa Kamaynilan ang baha lalo na’t laging binabagyo ang Pilipinas. May mga pagkakataon pa nga na sa mga nakalipas na taon ay kahit maulan lamang ay tumataas na ang tubig.  Gayon din sa tuwing aapaw ang Angat Dam at magpapakawala ng tubig ay maraming bahagi ng Bulacan ang nalulubog sa baha. Kaya naman dapat na maging salik din sa pagpili ng bahay ay kung saan hindi bahain at matibay ang pundasyon laban sa landslide. 

Bunsod nito ay dapat na malaman din ng bibili kung mayroong “environmental clearance certificate” ang developer sa kanilang housing at infrastructure project. Ang nagsasagawa nito ay ang Mines and Geosciences Bureau (MGB) ng Department of Environment and Natural Resources (DENR).

Negosyo 101: What are the simple, effective ways to promote your business?

Ni Hoshi Lawrence

Ikaw man ang direktang humahawak o may katuwang sa pamamahala ng iyong negosyo, mahalaga ang ambag mo para sa promosyon nito. Ang “marketing” at “advertising” ay hindi lamang para sa malalaking kumpanya kundi para rin sa maliliit na negosyo. Kailangan na kailangan pa nga lalo kung matindi ang kumpetisyon, matumal ang benta, at sadyain ang puwesto ng isang negosyo.

Iba’t ibang istratehiya sa marketing  

Dati pa naman ay marami nang paraan para sa promosyon na maituturing na ngang tradisyonal na pagpapatalastas.  Subalit sa pagpasok ng makabagong teknolohiya at internet ay nadagdagan pa ang puwedeng pagpilian. Anu-ano pa nga ba ang sikat na pamamaraan ng pagma-market ng produkto ngayon?

1. Social Media Marketing

Ito ay ang paggamit ng social media sites para maipaalam sa iyong kakilala ang iyong produkto o serbisyo. Sa Facebook, kung mapapansin ay mayroon nang mga group pages para sa mga posts na may kinalaman sa business o kaya naman ay mayroon na mismong fan pages ang mga kumpanya.

Kung hindi ka pa maalam sa malalalim  na paraan ay huwag kang mag-alala. Ang simpleng pag-update lamang sa iyong status, pag-share ng picture ng iyong produkto, at pakikipag-chat sa iyong kakilala ay mainam nang paraan na agad kang makapagbigay ng promosyon.

2. Content Marketing

Nakabasa ka na ba ng website na kung tawagin ay blog? Kung ikaw mismo ay isang blogger ay bentahe mo  na makapag-promote ng iyong produkto rito. Hindi naman ito nalalayo sa social media marketing, bagkus ay magkaugnay ito. Ang content marketing nga lang ay mas malawak at ginagamitan ng iba pang istratehiya.

Ang isang halimbawa  nito ay paggamit ng mga platform na kagaya ng Wordpress, Blogspot, at iba pang kahalintulad na websites na mas maraming impormasyon na pwdeng mailagay. Samantala, ang vlogging o ang pagpa-publish ng sariling videos sa site na gaya ng Youtube ang isang halimbawa rin ng content marketing.

3. Traditional flyers

Hanggang ngayon ay nagagamit at may dating pa rin ang pamimigay ng flyers, brochure o simpleng  papel  na may laman ng iyong  patalastas. Kung halimbawa nasa Pilipinas ang iyong negosyo, pwede mo pa rin itong gawin kahit narito ka sa Japan. Bagay ito lalo na kung nasa industriya ka travel and tours, remittance o courier service.

Ano ang pinkamurang klase ng pagpapapatalastas?

Siyempre maliban sa mga nabanggit sa taas ay nariyan pa rin ang pagpapatalastas sa telebisyon, radyo, at billboard. Bagaman may kamahalan ang mga ito ay mas sikat at malawak pa rin ang naabot ng iyong advertisement. 

Subalit, alam mo ba na may epektibo pang paraan ng promosyon na hindi mo na gagamitan ng teknolohiya o anumang kagamitan at mura? Ito ay ang “word of mouth” na napaka-epektibo kung magagawa mo nang tama at tuluy-tuloy.  Ito ang pinakasiguradong klase ng advertising lalo na kung ang ibang tao na mismo ang nagrerekomenda at nagbibigay ng papuri o “testimonial” sa iyo.

Kung bago ka pa lamang at gusto mo na swabe na mai-promote ang iyong negosyo ay maiging matutuhan mo kung ano ang “elevator pitch” at “sales pitch.”

Ang sales pitch ay gaya ng napapakinggan mo sa mga salesman.  Kailangan kilala mo iyong produkto para maipaliwanag mo ang bentahe nito sa iyong posibleng kliyente at para kung may tanong pa ay masasagot mo sila.  Ang sales pitch ay hindi namimili ng lugar kundi nasa tamang pagkakataon, sitwasyon, at tamang tao na iyong pag-uukulan.  

Samantala, ang elavator pitch naman ay ang pinaiksing version ng sales pitch at mas casual ang dating.  Kaya ito tinawag na elevator pitch ay dahil halos dapat kasing bilis lamang ng travel time sa  elevator ang iyong  pagsasalita. Ika nga ay dapat naibigay mo ang impormasyon sa loob ng 20-60 segundo.

Ang elevator pitch ay magandang maensayo para maging epektibo, madaling gawin at normal lamang ang dating kapag iyong binibitawan sa sinumang iyong nais sabihan.  Hindi mo alam baka sa maiksi mong pagbabahagi ng iyong negosyo ay makakuha ka nang malalaking kliyente sa iyong negosyo.

Philippine envoy nagsimula na sa trabaho

Tinanggap ni Vice Minister for Foreign Affairs Shinsuke Sugiyama 

si Ambassador-Designate Jose C. Laurel V bilang bagong ambassador

ng Pilipinas sa Japan. (Kuha mula sa Philippine Embassy-Tokyo)

Nagsimula na sa panunungkulan ang bagong ambassador ng Pilipinas sa Japan na si Jose C. Laurel V noong Abril 5.

Ito ay matapos niyang iprisinta ang kanyang mga credentials kay Ministry of Foreign Affairs Vice Minister Shinsuke Sugiyama na hudyat nang pagsisimula ng kanyang panahon ng panunungkulan bilang Ambassador-Designate of the Philippines to Japan.

Sa kanilang pag-uusap, tinalakay ng dalawa ang kanilang kasiyahan sa mahusay na kalagayan ng relasyon ng Pilipinas at Japan. Binanggit ni Sugiyama ang mahalagang papel at kontribusyon ng pamilya Laurel sa paglinang ng friendly relations sa pagitan ng dalawang bansa sa nakalipas na dalawang dekada. Nangako naman si Laurel ng buong suporta sa lalo pang pagpapalawig at pagpapabuti ng bilateral strategic partnership.

Kasama ni Laurel sa pagharap sina Deputy Chief of Mission Eduardo R.M. Meñez at Minister and Consul General Marian Jocelyn R. Tirol-Ignacio. Bago ito ay bumisita muna siya kay Ministry of Foreign Affairs Assistant Chief of Protocol Takako Ito.

Si Laurel V ay apo ni dating pangulo Jose P. Laurel (1943-1945) at anak ni Philippine Ambassador to Japan Jose S. Laurel III (1966-1971). Bahagi ng kanyang kabataan ay ginugol sa Japan. Siya ay nanilbihan bilang gobernador ng Batangas, Chairman ng Executive Committee ng YKK Philippines, Inc., at Chairman ng Board of Trustees ng Philippines-Japan Friendship Foundation.

Siya ay mainit na tinanggap ng mga opsiyal at tauhan ng Embahada sa kanyang pagdating noong Abril 4.